八達通推出「e利是」 家長小朋友都方便！經「轉數快」入定錢並儲存銀行賬戶賺$38獎賞
八達通推出「e利是」功能，用戶而家只需下載或更新八達通App，即可透過簡單步驟，以3種方式派發「e利是」！有別於其他電子利是，八達通「e利是」可直接「嘟」入實體八達通作消費用途！既方便，又環保！
方法一：一「嘟」即派 既方便又衛生
小朋友成日手多多，新年更少不免同親友接觸，家長們可以點做？用「e利是」就可以放心晒！親友如想派利是，可以隨時用八達通App，直接將利是錢「嘟」入小朋友嘅八達通。如果想遙距向小朋友發送利是亦得，只要向家長發送「e利是」，再由家長直接「嘟」利是入小朋友嘅八達通，掂晒！
方法二：Send Link發送心意 一click即收利是
初一要向男家拜年，初二要向娘家拜年，初三赤口……邊有咁多時間一一拜訪親朋好友？唔使愁，依家有「e利是」，心意都可以送到親友手上！家長可透過八達通App，為「e利是」自訂不同金額同數量，直接派發畀其他家長，讓家長直接將利是錢「嘟」入小朋友八達通，即使冇見面，都可以讓小朋友感受「𢭃利是」嘅樂趣！
方法三：掃Code即時派 唔使怕漏帶
家長們出街要準備好多嘢，新年帶埋利是同賀年禮物，手袋分分鐘超重加超亂！想輕鬆拜年同派對，掃QR code（二維碼）派利是就啱晒你～近年以QR code付款或獲取訊息已成常態，八達通App嘅「掃QR立即派」功能正正方便大家，家長們可自訂唔同金額同數量嘅「e利是」，親友只需掃一掃 QR Code就得！咁就可以放心玩，唔使左摷右摷！
3個步驟教你輕鬆派「e利是」
設定「轉數快」銀行轉賬服務 即賺「e利是」獎賞
想派「e利是」，梗係要先為銀包「入定錢」啦！立即用八達通App經銀行App增值，再儲存銀行賬戶^，成功入錢落八達通銀包後即送你$38*！活動由即日起至2023年3月31日，合共送28,888封「e利是」獎賞，名額有限，送完即止！
以後無論派「e利是」抑或增值八達通，都可以直接由銀行戶口過數，更快更方便！
^設定「轉數快」銀行轉賬服務 (eDDA)
兔年豐收大福袋 富衛送你優惠
「e利是」原來有更多驚喜！八達通準備咗新春賀年福袋為大家助慶，讓大家過個肥年！收到「e利是」嘅親友，打開「e利是」嘅同時會收到由富衛送出嘅優惠，先到先得*！
