公屋住戶貪平搵朋友裝修搞足1年最後爛尾失聯！專業師傅評：全部錯晒

Sep 9 2023

一個安樂窩是每個人除了工作之外會靜待得最長的時間，家中的間隔、裝修都十分重要，所以裝修都需要找上一個好師傅，否則單位隨時「爛尾」！日前就網上就有一段由神級裝修師傅之稱的黃師傅上傳的影片，影片中的公屋住戶於一年前找朋友幫手裝修，誰不知一年時間過去都未能完工，因此住戶找了黃師傅求救，而黃師傅到單位親身視察後，發現問題多多，更直指全單位需要「拆過重做」，表示原來的裝修：「根本唔識做」！

公屋住戶搵朋友幫手裝修最後爛尾失聯

黃師傅近日上傳影片，片中公屋住戶表示單位在一年前已經開始裝修，當時是找朋友裝修，而她為了慳錢，向對方表示希望能「以最平最低價錢」幫忙裝修單位，一年後裝修尚未完工，但已無法聯絡對方，眼見裝修「爛尾」，因此找來黃師傅，希望能幫助他們完成裝修。

黃師傅：唔會喉都未整就整廚櫃

黃師傅先到廚房了解情況，從影片中可見，廚房內已裝好了廚櫃，但煤氣喉及水喉等尚未安裝，黃師傅表示應該要先做水喉及煤氣喉等，才可以做廚櫃，而影片中可見業主預定安裝鋅盤的位置下亦未有安裝水喉，建議需要拆掉廚櫃才可再做過。其後黃師傅眼見廚櫃未做枱面，卻已幫「公家喉」裝了外殼，表示次序錯晒。而住戶主計劃放置洗衣機的位置，黃師傅表示「去水未駁好，咩都未駁好」，認為原先的師傅「埋唔到尾，唔識埋尾」，如在該位置擺放洗衣機，洗衣機會因被水喉頂著而「凸咗出嚟」。之後黃師傅亦發現做好的廚櫃並沒有「收口」、「連收口都唔識」，廚櫃門亦未能完全打開。

公屋裝修業主希望黃師傅幫手協助裝修爛尾情況 — 住戶希望黃師傅幫手協助裝修爛尾情況（圖片來源：YouTube＠黃師傅設計工作坊授權）

公屋裝修洗衣機會因被水喉頂著而「凸咗出嚟」 — 洗衣機會因被水喉頂著而「凸咗出嚟」（圖片來源：YouTube＠黃師傅設計工作坊授權）

而客廳方面，黃師傅發現牆身有出現裂紋的情況，表示「覺得佢完全唔識做，都無落紙帶」，更認為該名師傅是「半桶水」，所以出現此情況。而之後黃師傅更發現，原先的師傅並未預先安排冷氣機的去水位，黃師傅檢查後發現大廈並沒有外牆去水位，所以需從屋內去水，再發現原來去水位是在廚櫃內，黃師傅表示正常是完成去水位才做廚櫃「封櫃」。黃師傅表示裝修需要在未開始之前就需要計劃，而不是完成每一項工程後才計劃，這樣便有機會出錯，更有可能出現全拆掉的情況。

公屋裝修油漆時沒有用紙帶導致牆身出現裂紋。 — 油漆時沒有用紙帶導致牆身出現裂紋。（圖片來源：YouTube＠黃師傅設計工作坊授權）

公屋裝修水喉都未整卻已整好廚櫃。 — 水喉都未整卻已整好廚櫃。（圖片來源：YouTube＠黃師傅設計工作坊授權）

廁所去水位大出錯

其後黃師傅到廁所了解情況，發現企缸面積較為細，難以有足夠空間洗澡，而住戶表示是自己要求的。而廁所的去水位，黃師傅發現該位是「走唔切水」，當有水出來時，便會撞落另一條喉，表示「無人會咁樣做水喉」。

公屋裝修業主要求面積較細的廁所企缸 — 住戶要求面積較細的廁所企缸（圖片來源：YouTube＠黃師傅設計工作坊授權）

住戶與黃師傅為熱水喉爭論

而黃師傅在片中亦發現單位並未做好熱水喉，但住戶多次堅稱原先的師傅是有幫忙做好熱水喉，不過黃師傅反覆檢查，便發現其實並沒有整到熱水喉，但住戶都一直堅持是有整到熱水喉，最後黃師傅發現原來只是畫好熱水喉位置，並未完成。

公屋裝修未做去水位卻已「封櫃」 — 未做去水位卻已「封櫃」（圖片來源：YouTube＠黃師傅設計工作坊授權）

黃師傅：唔識做要出聲唔好害人網民睇熱鬧！

黃師傅眼見單位情況不太理想，在影片中亦向住戶表示「唔好諗住靚，入到伙算偷笑」，亦認為裝修師傅「唔識做唔緊要，出聲啊嘛，唔好害人啦」。最後黃師傅在片中亦希望裝修師傅在裝修時如果遇到問題，需要向住戶提出問題，並不是強硬地繼續進行工程，導致最後出現「爛尾」情況。對於是次裝修爛尾影片，引來網民熱烈討論，大部份網民都認為黃師傅很有耐性及好脾氣，「黃師傅真是很好人，細心地指出裝修的問題」、「左改右改好頭痛，真係好佩服黄師傅」，「真係好想睇吓黃師傅如何扭轉呢個殘局，期待下次睇完成後的效果」。亦有網民認為業主「自己唔識又意見多，堅持己見」、「業主無基本常識，貪平找朋友做，裝修一塌糊塗」。