公開試失手自知無法入大學 返工亦做不好 中六生對前程感迷茫

撰文：JM｜圖片：Facebook 專頁《名校 Secrets》、Shutterstock

公開試失手女網民兼職被罵覺得自己好廢

有女網民在Facebook 專頁《名校 Secrets》中發文，表示自己公開試失手，自知無法入大學，於是去做兼職，但發現「返工同返學嘅模式真係好唔一樣，我完全適應唔到。」，網民表示，在繁忙時間經常因太多人等待而被客人罵，收工收拾時間久又被同事罵。「我真係好攰，我已經好努力，但都好似滿足唔到佢地要求，我真係唔知點算好。 我覺得自己好廢！」

網民又指自己「本身又肥又矮 （152 cm 50 kg)，樣又生得唔靚，依家書又讀唔好，返工又成日畀人鬧，感覺成世人好似無一樣嘢做得好，我覺得自己好沒用。我真係好迷茫，感覺完全睇唔到未來嘅希望。」

網民：人生本來就是這樣

不少網友認為「人生本來就是這樣」，認為很多人剛剛出社會工作都會經歷這個階段，「慢慢就會習慣」，亦建議該女生不需要太過上心「其實關於同事嗰度你唔需要刻意在乎， 好多時候啲阿姐， 全職嗰啲多數都會覺得自己好勁/ 熟過你， 講勁多嘢。 除非你係諗住 長做，如果唔係真係唔需要太在乎」。

有網民勸告公開試失敗都不用灰心 給予詳盡建議

由網民給予給予詳盡建議「年輕人唔好灰心。凡事兩面，你依刻避開，問題無解決，都係永遠纏繞你。-考試又唔係得一次，檢討下，可能係放錯重點，再plan過再試-工作唔順利，可能係你未慣用對方思維處事，你啱啱做嘢姐，大把人成世都未諗通。多啲代入對方角色，你會易啲處理～記住，有時俾人小，對方其實唔係小你，佢只係發洩，唔好太上心-世界仲有好多可能性，得到認同都唔係只可能靠先天條件，你問下自己有咩真心鍾意，用心研究，可能有新角度呢～」

「咁你咪當Part-time 係一個磨練，令你認識社會係點樣。之後再決定到底應該繼續讀書還是出黎工作。DSE唔係你唯一入大學既入口黎既，有好多方法架嘛，可以經Asso, HD, etc.唔讀書亦都有好多方法出路既，最緊要係做份有興趣既工作，向住自己所訂立既目標便可以了」