凌晨收工攰爆 張頴康 回家收禮物即甜爆！
廣告
憑《一屋老友記》「三寶」一角成功入屋的 張頴康 ，早前在馬來西亞奪得入行16年來首個獎項，並在台上淚眼多謝太太麥雅緻的不離不棄，埸面感人！奪獎後張頴康繼續努力工作，這日凌晨他拖着疲倦身軀回到家後，發現太太為自己送上驚喜禮物，即刻成個人甜晒！
撰文︰Sunday Kiss
張頴康 淚眼多謝太太
張頴康上月在《TVB馬來西亞星光薈萃頒獎典禮2016》中，勇奪飛躍進步男藝員獎，佢在台上爆喊多謝太太麥雅緻的不離不棄，讓自己無後顧地去追夢，忍不住大聲高呼「多謝老婆！老婆我愛你！我永遠愛你！」
飲水思源感激劉華
除了太太麥雅緻， 張頴康 得獎後亦不忘感激多年前帶自己入行的劉德華！十多年前，劉華邀請全沒經驗的張頴康加入其公司，拍攝第一部電影《給他們一個機會》；後來安排 張頴康 入讀無綫訓練班，劉華更為他提供每月五位數字的生活費。難怪 張頴康 接受本刊記者訪問時，直言感激劉華︰「冇華哥就冇我！真係好感激佢。係佢帶我入行，冇佢我唔會入到無綫，亦唔會識到我老婆。」
太太驚喜送禮
奪得入行多年來第一個獎項，興奮過後當然要繼續開工賺錢！日前 張頴康 收工回家已經係凌晨五時多，太太及囡囡當然已經瞓晒覺，不過他一點也不寂寞，因為太太早已為他準備驚喜！ 張頴康 留言：「凌晨五點半，收工番(返)到屋企，全家瞓晒！但係見到個咁嘅咕𠱸放咗喺梳化，原本成個人散晒都即刻甜番晒！我老婆真係有計嘅！」
見到個咕𠱸印有 張頴康 一家三口的樣子，圖案更是女兒小豆送禮物給爸爸，真係工作幾辛苦都即時拋諸腦後！
