出軌老公7項蛛絲馬跡！女同事疑想將仔女私有化做正室 港媽不忍離婚

撰文：Clara ｜資料來源：網上討論區｜圖片：Shutteretock

女同事疑將港媽仔女私有化

近日一名港媽於網上討論區發文指自己懷疑老公出軌，與女同事有不尋常關係。她列舉了幾個例子，例如老公與女同事經常Whatsapp聊天，女同事經常分享生活上的點滴、她父母的家事、她寵物狗狗的瑣碎事，連她最近被人甩的感情私事都有講。

港媽指老公女同事還稱呼她與老公的仔女做「阿仔」、「阿女」，令她覺得這叫法過分親暱，很奇怪：「救命啊，佢將我嘅仔女當係佢嘅仔女嚟直接稱呼。」港媽表示擔心，覺得女同事對她老公有非分之想：「直覺話我知呢個女同事開始對老公有好感。」

老公無視港媽兼講大話

港媽早已向老公表明有此第六感，但她老公無視她，繼續同女同事聊天。直到星期六，港媽問及老公行蹤，對方表示放工後跟別人去行山，港媽見他反應慌張，決定試探他：「我第一個反應就頂過去：『我知啦⋯⋯我一早預感到啦，仲係同個女人去嘛！』佢當下應該都好驚，回答同一個男仔去。」

港媽繼續追問，最後老公間接承認與女同事單獨行山，她難以接受，認為老公講大話是背叛行為，已對他心淡：「老公仲隱瞞我，唔畀我知道，偏偏又被我發現。今日我好嬲，已經對老公講你哋咁係約會緊，唔好以行山呢個健康詞彙嚟為自己畀借口，夫妻之間嘅信任無晒。」

港媽考慮是否離婚

港媽如今萌生離婚的想法，但因為不捨得老公而感到非常痛苦：「我真心唔想離開，都唔想呢個家散，我相信佢哋真係只係去行山，應該仲未開始。但依家我已經知道咗，我怕佢會繼續呃我行蹤，唔再坦白，將關係收得更加埋。」最後她決定先看清情況。

她知道女同事即將生日，如果老公打算與對方慶祝，即代表他已正式出軌，到時港媽會退出這段三角戀，並成全他們：「我心情好亂，女同事最初被人飛，因為對方喜歡咗另一個，我覺得呢個女同事一直做人小三，或者係佢哋嘅關係被第三者加入。我都唔知點解佢被人飛，會來搵我老公哭訴，心碎一地。」

網民：根本已經出軌

大多數網民都認同港媽看法，覺得她老公與女同事之間的界線太模糊，令女同事有機可乘。他們覺得女同事的行為是一步步威脅港媽的地位：「連你地仔女都叫啊仔、啊女真係毛管戙。」、「都瞞住老婆同人去行山，都仲算係精神上出軌？」、「正常點會有人會同有婦之夫單獨去街，仲傾心事，根本已經出軌」、「精神出軌？肉體都飛咗出去啦」、「在拍拖了！很快就會兩情相悅，乾材烈火！」

有網民建議港媽開始計劃離婚後的生活，為自己打算：「將財產搬過自己度」、「認真考慮部署自己將來，仔女細唔細？你自己有無經濟能力？有無屋企人support?」

但有網民認為港媽想太多，朋友不是男就是女，而且他們沒有過分的舉動：「唔係幫老公，但如果只係行山傾心事，係咪個老婆都要自己檢討下自己，又或者兩公婆坐低傾吓呢」有網民希望她應該與老公溝通一下，不要衝動離婚：「男女避免社交，也要實行，祝你老公能完滿配合」。