未婚同學嫌棄50蚊利是 直接開出這個銀碼才收：否則絕交 遭網民狂鬧
廣告
大家都趁農曆新年長假期與親朋戚友見面聚舊，已婚朋友的指定應節動作必定是大派利是。早前一名網民在討論區發文，有一班認識了多年的小學女性朋友圈，其中一名女性朋友去年成為人妻，今年首年派利是。近日聚會中，一名未婚的小學同學揚言若收20元、50元利是會絕交，並開口主動要求心儀的銀碼，說完後全場人士非常尷尬，網民亦狠批事主的友人。
嫌棄$20、$50利是 否則絕交
一名網民在討論區發文，以「朋友講明要收幾多錢利是」為題，樓主有一班認識了多年的小學女性朋友圈，其中一名女性朋友去年成為人妻，成為有資格派利是人士，在近日的聚會中，有一名眾所周知「講嘢唔經大腦」竟說：「今年封利是唔好封廿蚊畀我呀，真係同你絕交㗎！20蚊50蚊你留返嚟買樓啦，大家識咗咁多年，至少都要封兩封100畀我啦。」
因財失義 為200元超失禮
樓主續指，因該名朋友的「率真」，大家都非常愕然，現場氣氛尷尬，雖然明知她一向說話直接又無腦，勢估不到竟然到「自己開口話想收幾多錢利是㗎」，令樓主反問若真的是50元利是，「都唔知應唔應該嬲好」。
網民一面倒狠批：直接拜拜啦
帖文惹來網民一面倒地批評無腦朋友，「畀著我，呢啲所謂朋友見都可以唔洗見。佢唔要面，我都唔洗畀面佢，直接講拜拜啦」、「過咗十五先再約，唔使俾利事。」、「係咪講笑架咋，咁樣講明好肉酸架喎」、「就算本身想封畀佢，咁講完都唔想封啦」、「封yen畀佢」、「個個揾食艱難，養家艱難，收朋友利是都係當收朋友的祝福咪算囉」。
圖片來源：《陽光姊姐淘》截圖、《女人俱樂部》劇照、新假期編輯部、《紀念日》劇照
