劉馬車野生捕獲陳茵媺狂拍片影埋對方兩個仔 網民勁讚陳茵媺：突發危機處理得好好
劉馬車偶遇陳茵媺 稱要上契兼加入TVB
劉馬車去年曾涉及多宗官非，包括非禮、在羈留室內咬人及在動漫節打人等案件，最終被判入獄8個月，出獄後劉馬車繼續活於社交網上，日前他更分享了數張與陳茵媺的合照，並表示：「陳茵媺姐姐（陳豪老婆）全力支持馬車加入TVB呢個大家庭！曾志偉先生宣佈TVB將會力捧劉馬車成為劉德華的接班人，馬車感動痛哭！」引起了網民的熱烈討論。
劉馬車稱由細睇到陳茵媺大
劉馬車又分享了與陳茵媺拍攝的影片，續說：「陳茵媺姐姐真係好Nice，佢話想同我上契，從此做我契家姐！」在這段長約19秒的影片中，可以劉馬車對陳茵媺說：「今日好開心喺MegaBox超市見到陳茵媺姐姐，我其實都叫做由細睇到你大。」陳茵媺則笑著回應：「哦，thank you.」劉馬車續說：「我以前…你好早啲電視劇已經有睇你。」陳茵媺再講：「OK,thank you.」
陳茵媺一度嘗試阻止囝囝出鏡
在劉馬車與陳茵媺對話期間，可以見到陳茵媺兩名囝囝閃現在鏡頭中，特別係細仔不時跳跳紮，更向著鏡頭揮手，但陳茵媺一度嘗撳住囝囝，阻止他出鏡。劉馬車接著對陳茵媺說：「希望你同你先生，陳豪先生拍多啲精彩嘅作品俾我哋！」陳茵媺則輕聲說：「OK, thanks.」全程保持著親民笑容，最後向劉馬車揮手示意「bye bye」，劉馬車亦很有禮貌地道別說：「多謝陳茵媺姐姐。」
陳茵媺被指可能不知道劉馬車是誰
有網民對劉馬車態度突變表示很不習慣：「點解佢講嘢咁有文有路嘅，唔似佢」、「好開心見到劉馬車溫柔禮貌嘅一面」，亦有人猜測陳茵媺可能不知道劉馬車是誰：「我估陳茵媺係唔識佢」、「陳太以為有粉絲」、「陳茵薇可能唔識中文，冇睇香港新聞！」、「好明顯人哋唔識佢」、「大家估下佢知唔知馬車係嘜水，見佢好想走開又要保持親民」、「完全唔知道自己同啲仔女有幾危險」等。
網民勁讚陳茵媺：突發危機處理得好好
有更多網民就就話睇出陳茵媺個樣好驚：「危險人物喎」、「睇得出佢好驚」、「心想：唔好刺激條白卡佬，強顏歡笑」、「驚佢會傷害小朋友，焗住招呼佢say個Hello嗱嗱臨走」、「笑得好勉強，想走想走咁」、「睇得出佢好老尷想快d走」、「怕左佢先咁nice，點知佢會唔會癲到打人兩個仔」，亦有網民大讚陳茵媺：「陳小姐突發危機應變處理得好好」、「佢依啲先醒，即刻彈開既話呀馬車哥又發癲，同鏡頭said個hi表示友好，形象正面又得體」。
