吳若希 大肚遊日 放肆食生冷嘢？
廣告
現年24歲的歌手 吳若希 (Jinny) 上月被發現秘密移居澳門休養身子，今月初親認快要做媽媽，現時懷有B女三個月，預產期為明年五月上旬。近日Jinny已停工安胎，準備迎接小生命，不過日日呆在家中未免苦悶，所以佢孖住兩位學同學到日本旅行，仲不時網上晒靚相，不過最新一張相中就見到滿枱生冷菜式，網民們都紛紛留言，叫大肚婆Jinny注重飲食呀！
撰文︰Sunday Kiss
圖片來源︰吳若希Instagram
離離合合 感情昇華
Jinny與澳門富二代Alex Ho幾次離離合合，終於修成正果，現時齊齊等待愛情結晶品的到來。兩人現時一切以小朋友為先，所以對婚事已有共識，將會待女兒出生後才安排。對此有不少人覺得兩人數次離合，感情尚未穩定，認為Alex有「要女唔要乸」之嫌！不過見到兩人不時網上晒溫馨合照，就知佢哋感情更勝從前！
發福遊日
Jinny現時長期停工安胎，但都冇理由日日坐喺屋企咁悶，所以近日就陀住大肚孖兩位中學同學到日本旅行。Jinny上載旅行靚相時，都不忘自嘲「腫神」，笑自己塊面腫咗勁多！另外亦睇到佢真係發福了不少，上圍明顯升Cup！
而在最新一張合照中，Jinny就搞笑指朋友塊面圓圓似「Full Moon」，話終於有人脹過自己，不過一眾網民的目光反而集中在一桌子的日本菜！見到桌上有蟹有壽司仲有大大小小的冷盤，雖然睇到人流晒口水，不過「大肚婆唔好食生冷嘢」是常識吧，因為未經煮熟的食物對孕婦和寶寶的危險都很高。雖然唔清楚桌上食物的煮法，不過網民見狀紛紛叫Jinny要注重健康，要忍忍口！
