吳雨霏陀B六個月 大晒零孕味身形
31歲吳雨霏（Kary）於2016年曾經不幸小產，幸好有老公洪立熙（Brian）在身邊扶持，走出傷痛，而早前有傳Kary懷孕3個幾月，暫停出席所有活動，因為要專心養胎，不過當時Kary冇回應。直至上月，吳雨霏親自喺社交網宣佈懷孕5個月，剛剛亦上載了最新相片，相中可見帶上黑超嘅吳雨霏雙手依然纖瘦，完全毫無大肚婆嘅水腫問題，難怪心情大靚。
原文：東方新地 | 圖片：ngk@IG
吳雨霏 宣布懷孕5個月
31歲吳雨霏（Kary）曾經小產，幸好有老公洪立熙（Brian）在身邊扶持，走出傷痛。早前Kary正式宣佈懷孕，在Instagram晒出「一家三口」相，並透露已有咗五個月，留言話兩公婆快要當爸爸媽媽，並多謝大家的祝福！
吳雨霏心情大靚 大展零孕味衣著
今日早上，正專心養胎嘅吳雨霏喺IG分享一張近照，並透露而家懷孕心情「心情好 甚麼都好 #星期一不blue #goodvibesonly」相中吳雨霏戴上黑超，仲着上黑色短袖卡通Tee大擺甫士，睇得出作為大肚婆嘅佢除咗型到爆之餘，心情真係相當靚啵！唔知係咪着呢件黑衫遮得好，就算個foucs 容易會放左肚個位置嘅公仔到都好，個肚都唔算話好現形，難怪粉絲見到都要讚吳雨霏索咗兼有型！
吳雨霏大肚身形依然纖瘦
計番依家吳雨霏佗B接近六個月，但睇落佢雙手仲係好幼，口腫面腫現象冇出現之外，面形依然keep得好靚。無論係著住白色定黑色t-shirt嘅吳雨霏，個肚睇落都只係微微隆起，佗B可以佗到咁fit認真羨慕死人～
16年曾經小產
吳雨霏（Kary）在2016年被傳小產，惟新聞爆出後Kary一路冇承認及否認，直至同年11月3日Kary終於在社交網站首度為事件開腔，與老公洪立熙（Brian）發表一篇長文章講述小產經過、發生不幸的事後兩夫婦如何一起走過黑暗的日子，及再期待小生命的降臨！
其實Kary和Brian兩公婆都好鍾意小朋友，兩人2015年1月在美國註冊，7月意大利行禮，2016年2月成功陀B，但懷胎個多月不幸流產，令一直恨做媽媽的Kary大受打擊，一直停工休息，而Brian亦放下工作陪Kary度假散心。經過大半年休養，Kary終於收拾心情，身體已回復最佳狀態，兩公婆早前趁住假期飛到有蜜月聖地之稱的北海道二世古，再度開行turbo造人！
去完二世古再度蜜月，Kary繼續同老公朝夕相對，又跟老公到跑馬地一間日本餐廳撐枱腳，Kary要調理身體，食清淡的日本菜就最啱。而為生B Kary亦開始谷肥自己，叫到成枱食物，食到唔停口，身型亦唔再得棚骨，有番肉地，做足準備催孕！
食完晚飯離開餐廳去取車，雖然只是一條街之隔，但兩公婆在街頭纏綿，時而十指緊扣，時而攬到實如連體嬰，煙韌到爆！上車前Kary更忽然舞癮起，站在車邊手舞足蹈，氹到Brian即場哈哈大笑，超sweet！祝福Kary生個肥肥白白嘅BB，展開人生新一頁！
