37歲湯洛雯神隱多時發福現身 孕味極濃 馬國明夫婦親自回應
廣告
43歲視后唐詩詠2022年宣布離巢TVB，休息逾1年後早前終於從日本學成歸來，並於銅鑼灣開設麵包店榮升老闆。日前（28日）唐詩詠嘅麵包店就盛大開張，除咗引來唔少fans慕名而來之外，昨日亦有多位藝人現身撐場，而作為「鐵馬家族」二嫂嘅湯洛雯當然有出席，不過靚湯嘅最新狀態就被唔少網民猜測是否已經有喜……
湯洛雯孕味濃撐唐詩詠場
昨日（28日）多位藝人如陳敏之、湯洛雯、黃翠如以及陳豪等都紛紛到場，為唐詩詠嘅新舖撐場。有唔少現場嘅fans都紛紛曬出一眾藝人們嘅照片，當中就見到湯洛雯似乎有啲發福，無論係臉頰同埋大髀都有肉咗好多！
就連湯洛雯在自己嘅社交平台上分享嘅新相都被指難掩孕味，而且每張合照都係遮肚示人，令唔少網民好奇是否即將有好消息宣布！
相關新聞：37歲湯洛雯疑成功懷孕 蕭正楠7字洩密！？馬國明留言突被刪
最新！馬國民湯洛雯親自回應
有傳媒聯絡上馬國明，問到是否要恭喜他榮升爸爸時，他回應傳聞表示：「未係，遲吓先。」再被問到是否 未講得住，他就表明「直頭未有」，更打了笑到喊表情的Emoji。
至於盛傳懷孕的湯洛雯，她親自回應表示「只係肥咗」， 直言「我哋真係冇啦」，她又指暫時沒有多餘時間，事關馬國明要在內地拍攝幾個月。 雖然暫時沒有喜訊公布，不過二人都感謝大眾的關心。
湯洛雯被指1部位變大 網民大估BB性別
除咗在社交平台上分享嘅新相被指孕味濃之外，在一張網民曬出嘅合照中，更有網民指出湯洛雯鼻子變大， 是有喜嘅象徵：「湯小姐估計得咗，鼻都變大咗小小，又或者係影相問題，等時間證明」、「很明顯的孕相」、「等馬太馬生好消息」、「今次睇落真係好似有好消息喎」、「係唔係可以恭喜得喇？」
相關新聞：盤點圈中17位高齡產婦女星！越生越勇
部分網民都認為靚湯的鼻子變大，都是懷有男嬰的象徵，因而估計腹中胎兒屬男寶寶。不少人都到表示「開心等馬生馬太宣布」，此外也有人也早早送上祝福，「恭喜馬生馬太」。
圖片來源：Instagram@roxannetong、ig@roxannetong、小紅書圖片
