單親媽月租3千住40呎劏房 慘稱「碌架床下是廚廁」網民：扮慘博咩？

單親媽月租$3,100住40呎劏房 碌架床下竟是廚廁

單親媽拍片指，自己和兒子住在深水埗唐樓的其中一間劏房單位，大廈沒有電梯，出入都要靠行7層樓梯。而同層共有7個單位，自己與兒子的屋企只有40呎，鞋櫃都放不下，脫鞋後只能用膠袋袋起放一邊。

而家中只有一張碌架床，全屋都是地櫃用來收納，放了兒子要用的打印機、書、衣服等物品。而在碌架床下便是迷你廚房和洗手間，最神奇的是這位媽媽平時會邀請3-4位朋友到家作客，若朋友要過夜，媽媽便會和兒子睡碌架床上，朋友睡地櫃上的位置。

眼利網民發現：仲有錢買名牌袋？

單親媽亦提到自己扣除了租金後，每月開支過萬元，而網民看完影片後，除了驚訝「碌架床下底竟係廚房同廁所，仲話請朋友嚟咁都逼到？」外，竟然最多人討論的是質疑她「扮無錢」！事關有不少網民指這位媽媽竟有錢買LV手袋，指「條片最高收視係因為佢孭住個LV同牆上貼住個幅嘢」、「其實呢啲人背後好有錢，唔成日嚟扮無錢」、「香港人日日做10粒鐘都買唔到LV、又LV又Chanel」、「係咪特登想比人知你好慘，然後上特快公屋」、「香港度假住劏房，內地萬呎豪宅」。

單親媽瘋狂被邀拍片 分享月入2萬

然而，原來這位單親媽受盡網紅歡迎，單是拍片講自己租劏房住已第四次，期間更指自己來港8年多，現做兼職月入2萬多養活一家。不過有眼利網民發現，同一間屋竟有另一位同樣是單親的媽媽接受網紅邀請拍片，更指自己獲前夫撫養費$7,000，但要照顧特殊孩子特別辛苦，令人懷疑「根本個個都扮慘，無錢點裝到間屋咁精緻」。