31歲單身男控訴被配對公司騙財騙感情 大呼「退錢畀我啊」被網民笑太飢渴

東張西望｜31歲單身男太「飢渴」　欲找配對公司尋愛情反被騙財騙感情

《東張西望》近日報道指，一名31歲的陳先生單身已久，一天突然收到真人配對公司的宣傳電話，叫他上公司了解一下，稱可以為他介紹女會員。飢渴已久的陳先生好奇心爆發，因而上門一探究竟，誰知一到埗就被職員推銷買Plan，更晒出10-20張美女會員的照片，更是自己心中追求的女生條件，即時心花怒放。

不過由於陳先生1年前曾花$17,000買另一間真人配對公司的一年會藉，稱「見完一個就到下一個」，誰知最後幾個月先可見得一個女會員，對方甚至叫他升級為VIP，稱可以加密介紹次數，「錢又畀咗，但結果當然未如願」，因而令他今次有點卻步。

不過男Sales此時加大力度，指自己公司有無限配對，一個月保證見2-3個女會員，更保證成功直到你脫單。而陳先生問價錢後，對方指$36,000，當堂Say No，指「嘩，咁貴，咪搞，一陣畀完錢你唔介紹畀我咪死，唔好啦，我出邊搵到女朋友咁點算」，誰知對方指「你成功拍拖即時退錢」。

據他了解，買了會藉頭兩個月成功拍拖，對方就會退錢給他，「直頭話畀身分證我影，唔驚呃人，講咗成個鐘，咁我咪簽囉，淨係畀咗$3,000先」。不過一見其中文合約，當中指「條款及細則備有英文及中文版本，如有歧義，以英文版本為準」，陳先生即問對方取英文版本，但對方就指從來沒有。

兩星期後確實有女生介紹給他，「咪普通食個飯，傾吓偈，但食完佢就即刻走，又話屋企好忙，無下文，約極都約唔到」，等了一個星期，就有下一個女生，期間配對公司叫他上公司，稱教他拍拖技巧，誰知一上門，就有個女Sales跟他說：「先生，出Pool係需要時間，通常都要2-3個月先成功，買返一年會藉」。陳先生即時Say No，指「唔好啦，畀完錢你唔介紹畀我咪死」，對方即大減1萬元，最後只收他$26,000，更指「好多後生女，30歲以下」。

簽了約，過了一會兒公區確有介紹女生給他，但對方食食吓飯竟離場，「食食吓飯，我仲有成大半碗未食，佢話要走先，呀姨有事要飛的走，第一個都係話有事，話咩舅父要返大陸做手術，兩個都係咁，話咩屋企人要睇醫生咁樣，咁啱嘅」。陳先生期待第3個，誰知對方出來見面前，竟影了一張性感相給陳生，再要求陳生「回禮」影泳衣照。

影完後，女生即指「鍾意呀，但唔想有條褲囉」，雖然陳生渴望愛，但此刻仍保持清醒，覺得相當奇怪，未有和她交往。因而對此公司失去信心，結果用一張與女會員合照傳給配對公司指成功拍拖。然而，公司指女方都要傳合照作證，但男Sales指自己未能找到該名女生，但陳生卻正與該女生聊天。

事後陳生與配對公司對質，男Sales即指對方「呃公司錢」，聯同女會員假裝拍拖，「你喺條街搵個女仔拍拖，關我公司咩事，即係你喺街食飽飯，我join咗 Buffet，但話食飽唔畀錢得唔得」，而陳生更質問指「你嗰陣無講明係女會員，淨係話我成功拍拖就退款咋喎，點解你而家唔畀錢我」。雙方爭執一輪，都只能繼續「硬食」。女主持再問道：「咁你而家諗住邊度識女仔」，陳生即指「靠朋友介紹」。

網民：人蠢無藥醫，無女都正常

陳生的可憐遭遇，反而沒有人同情，網民指「好彩無女仔跟佢，咁L笨，跟佢一定無幸福」、「呢啲男人一日到黑都想揾女朋友會有乜前途？女人會真心睇起你咩？而家女人會真心一齊捱咩？比女呃完又再想比女呃多次？呢個男人真心白痴又天真!不如先努力工作」、「有錢就執下自己外型先啦」、「咪又係衰鹹濕囉」、「識女仔梗係順其自然好啦，出便D配對公司十間有十—間都係信唔過」、「你拎個入會嗰萬七蚊買隻性價比高嘅靚錶，落老蘭行一轉實有著落」、「人蠢無藥醫，無女都正常」。

另一焦點竟然又落在女主持身上

除了一面倒嘲男事主外，更多人討論女主持梁敏巧的表情，指「梁敏巧全程睥住佢咁，係咪聽到都覺傻仔」、「佢好似忍笑忍得好辛苦」、「佢最後仲要問陳生邊度識女仔，笑死」、「陳生同佢做訪問都做到濕晒⋯⋯個背」、「梁敏巧表情說出一切：『接受現實啦陳生』」。