未婚基督徒港女懷孕急嫁 搲免費一條龍婚嫁服務 列3大離譜要求遭鬧爆
網上瘋傳驚人帖文 基督徒自爆未婚懷孕
結婚可算是人生其中一個重大的里程碑之一，因此有不少人都視此為目標或界線，特別是部分有宗教信仰的人士，部分更反對婚前性行為。不過，凡事都有例外，更惶論世界之大真的無奇不有。早前，一位網民就在婚嫁群組內發文，劈頭直指自己「意外懷孕，所以決定提早結婚」，而最令人嘩然的，是發文者在文中直認自己是「基督徒」，因此令其未婚懷孕一事更受矚目。
列3大離譜要求 免費影婚紗相未算最癲
除了基督徒自爆未婚懷孕之外，發文者更坦言自己發文的目的為「徵免費攝影師、化妝師及婚紗禮服」，惟除了想免費影婚紗相外，更列明3大離譜條件，包括自己因為懷有身孕，因此免費化妝師「選用化妝品為名牌優先」、「不包車馬費&膳食，攝影師同化妝師需要自行負責交通費&膳食」，又強調他們一切相關開支都「實報實銷」，更因發文者是基督徒的身分，揚言免費租借給她的裙褂上「絕不能有龍鳳圖案」。
攝影師現身回應超寸
諸多要求又不想付出的帖文旋即在網上瘋傳，有網民就反問「點解攝影師，化妝師，禮服要免費俾你？你係明星呀？」、「你唔問埋酒店/場地/佈置可唔可以免費？」、「不如生仔入私家醫院都R free呀？」，又質疑「基督徒意外懷孕係咩玩法」。而攝影師就現身回應，直指有不少人都希望能夠以低價甚至免費找到服務，惟他就認為「價錢同質素係成正比嘅」、「做人記住要give and take，要撫心自問自己有冇give？定係只係take？」，更直言「大家唔好低估香港人嘅自私同貪婪程度」。
網民：可能佢係聖母顯靈
帖文在發布後旋即在網上瘋傳，雖然有不少人認同香港人經常「貪小便宜」，但就有網民質疑事件真實性，只因全文的「爆」位太多：聲稱基督徒又未婚懷孕會否過份刻意；還膽敢要求免費婚紗攝影，帖文內容未免太誇張，令人不禁懷疑事件的屬實性「係咪老作？」，也有人指「可能佢係聖母顯靈」。
亦有網民大玩二次創作「派膠」，用同該帖文一樣的格式發帖，揚言要因未婚懷孕徵求「免費住所，三房一廳，有傢俬設備」，更笑稱「唐樓絕不考慮」，只因「本人隻腳無力」，有創意之餘又不失搞笑。
