網民搞笑分享港人旅遊39件最爆笑手信！A4紙同洗衣粉都有份
奇怪手信-新鮮食材類
1. 生猛波士頓龍蝦
去到盛產海鮮的地方，少不免會買些海鮮回港與親友分享。有網民竟然誇張到試過去波士頓帶原隻生猛龍蝦返香港，返到香港仍然識郁。由波士頓飛返香港，就算直航都要15.5小時，搭完長途飛機竟然仲識郁，這隻龍蝦真是夠生猛。
2. 生菜
唔知點解香港人好似對生菜情有獨鍾，有唔少網民去到外地都忍唔住買生菜返香港，無論去日本、英國定泰國都要買。
3. 蘿蔔
日本蔬果出名鮮甜，有網民就忍唔住買咗條蘿蔔返香港，仲畀屋企人用嚟整蘿蔔糕。
4. 沖繩苦瓜
沖繩苦瓜冇香港常見嘅苦瓜咁苦，就算唔食開苦瓜嘅人都接受到，難怪有網民買咗成箱返香港。
5. 芒果
香港人喜愛芒果嘅程度真係達到瘋癲，無論係台灣愛文芒，定係去到埃及，就算幾重幾難攞，都會買返香港。
6. 日本生果
日本生果直頭係個個都會買咁滯，差在究竟買幾多返香港，有網民就真係成箱晴王、成箱蜜瓜咁抬返香港。
外賣類
7. 日本M記將軍漢堡
可能覺得日本嘅將軍漢堡好食啲，所以有網民索性帶埋返香港。不過個過程都幾複雜，要特登用保溫盒裝住個包再帶返嚟，呢位網民都幾有恆心，唔知返到香港嗰陣，個包仲暖唔暖呢？
8. 當地機場早餐
通常上機前都會食定啲嘢打下底，有網民就上機前買咗份早餐，點知食唔晒，索性帶返香港，返到屋企放入雪櫃，做第二日嘅早餐，估唔到呢份早餐可以咁長命。
9. 原隻北京填鴨
有網民就話佢試過帶原隻北京填鴨返香港，如果係未片皮，真係原隻連骨咁帶返嚟，都真係幾誇張。
10. 韓國炸雞
好食嘅嘢，當然想去完旅行都繼續有得食，有網民喺韓國臨返香港之前，咁啱食咗份炸雞，覺得好好食，於是買多份外賣，帶返香港做宵夜。
重量級類
11. 10kg 貓沙
主子果然係大晒，有網民去旅行都心繫主子，竟然買咗盒10kg嘅貓沙返香港，唔知主子又感唔感受到奴才呢份心意呢？
12. 日本米
好多網民都話去到日本覺得啲米好好食，就忍唔住托埋包米返香港，足足有5kg重，甚至一家人去，每人都分開抬啲，全家一共買咗20kg，應該可以有排食喇！
13. 啞鈴
有網民竟然喺外地買啞鈴返香港，睇嚟佢除咗想鍛鍊一下自己的肌肉，連地勤人員嘅身體都想鍛鍊埋喎！
14. 岩鹽燈 7kg
好多人相信岩鹽燈會釋放負離子，有助淨化空氣，甚至可以擺風水陣。攞上手其實一啲都唔輕，就好似攞起舊岩石咁。有網民喺外地買咗盞返香港，都成7kg重，真係夠神心。
15. 小朋友車
呢款小朋友車係好多人細個時候都好想擁有嘅玩具，可以做司機喺行人路上揸車好鬼爽。有網民可能因為咁，去旅行時明明自己冇小朋友，但見到有得賣，都忍唔住手買咗架返香港。
16. A4紙
泰國物價低，而且名牌、市集乜都有，絕對係一個購物天堂。不過有網民同屋企人去玩嘅時候，偏偏睇唔啱嘢，咁啱見到A4紙幾平，就買咗pack返香港。
揼心口類
所謂揼心口類，即係買完之後，發現香港都有得買，根本唔使山長水遠買返嚟，真係揼心口。
17. 2箱韓國橙汁
有網民去韓國嗰陣，見到有人買咗兩箱濟州橙汁返香港，重到傻。點知一個月後，網友就見到香港超市有得賣。
18. 芝士撈麵
韓國芝士撈麵曾經係大家嘅手信大熱，去到點都要買番幾個派街坊。有網民就買咗兩箱返香港，點知食晒兩箱之後，就見到759有得賣。
19. 新加坡辣椒蟹味卡樂B薯片
香港有熱浪薯片，新加坡都有辣椒蟹味薯片。有網民去到新加坡特登買咗包返嚟，貪佢夠特色。點知返到香港嗰陣，咁啱出咗期間限定嘅辣椒蟹味薯片，真係白帶一趟喇！
20. 原味桃哈多
有網民嘅媽媽去日本買咗包零食返嚟做手信，點知嗰位網民一睇，竟然係喺香港周街都買到嘅原味桃哈多⋯⋯
21. 澳洲10kg鳥結糖
澳洲周圍都有小販賣鳥結糖，口味多，而且堅果夠脆，係澳洲大熱手信之一。有網民一口氣買咗10kg鳥結糖返香港，點知返到嚟發現，竟然香港百貨公司有得買，真係白帶！
家庭用品及傢俬類
22. 泰國洗衣粉
有好幾位網民都大讚泰國洗衣粉好香好好用，甚至香到會掛住陣味，所以每次去就算幾重都好，都會買返香港。
23. 台灣熊寶貝柔順劑
熊寶貝最出名係衣物除臭噴霧，最啱打完邊爐噴一噴。不過，有網民嘅女友竟然唔係想要細細支嘅除臭噴霧，而係要大大支柔順劑。廿四孝男友當然好好咁幫女朋友買啦！仲要買3支咁多，但買完之後都有啲後悔。
24. 電廁板
去日本或者入住新酒店，廁所都會裝上電廁板，有得噴水洗屁股之餘，仲有暖板功能，冬天坐上去都會暖笠笠，好舒服。有網民索性買埋返香港，喺屋企都可以用。
25. 土耳其地氈
26. 摺枱
一個真正嘅購物狂係見到乜都會買！好似呢位網民嘅朋友咁，回程嗰陣行李足足42kg重，就係因為佢咩都買，連一張普通嘅摺枱都買。
廚具類
27. 實木砧板
28. 電飯煲
29. LC煲
當地特色類
30. 荷蘭大麻糖
31. 泰國三角形坐墊
32. 北韓－朝鮮人民民主共和國憲法
33.切爾諾貝爾 蘇聯防毒面具
大手入貨類
34. 36支 泰國椰青水
35. 20幾包台灣鐵蛋
36. 十幾件洪瑞珍
37. 一打雞蛋布甸
成人類
38. 性器官朱古力
39｜性玩具
