大埔港女夜歸遇猖狂男 行過突拍心口兼做1離譜反應 街坊整合3個特徵

港女凌晨獨自回家慘遭陌生男拍心口　爆粗大罵竟獲對方1反應

該名港女於Facebook群組「大埔人大埔谷」中指，自己於日前凌晨4時50分途經翠屏花園，於鄰近中銀位置時，突被一位迎面走過的男人拍胸。女事主指「當時佢口哼住歌，迎面行過我身旁，伸手拍我右邊胸口，由於我攞住好多袋嘢，亦都反應唔切用手抵擋，我大大聲用粗口鬧佢，但就算我大聲鬧佢都冇用，佢應該係慣犯來！最後佢施施然走咗，我被佢嚇親，得自己一個又咩都做唔到」，最後更拜託大家夜晚真係要小心！

女事主列出3大特徵　街坊頻頻認出1疑犯

女事主稱，該名猖狂的男人有3大特徵，指「身穿藍色上衣、黑色長頭髮束住辮、皮膚黝黑」。而街坊們見到帖文後，指「中銀嗰邊有好多CCTV！要報警，睇片一定捉到人」、「咁癲嘅嘢都做，有無搞錯，一定要捉人，唔可以放過」、「請報警，翠屏出面好多cctv」、「經過呢個post之後，一定好多長髮男仔剪短頭髮」、「其實你應該係要報警，附近一定有好多cctv，要查一定查到，你放過咗佢，就會出現下一個受傷者（受害者）」。

亦有街坊指，根據女事主的描述，與區內一名慣犯極度相似，指「昌運附近成日有個長毛，頭髮大約到膊頭，不過無束辮，喺十字路口徘徊㗎，有時喺八號花園個7仔出面企」、「妳試吓行吓昌運麥當勞同昌運外圍，睇吓係咪嗰個傻佬」、「富善都有個同款長毛變態，唔知係咪同一人」。

街坊籲女生作1準備傍身

而街坊亦指，女生出外一定要帶備工具傍身，指「有個簡單保護自己方法 ，開著手機拍攝及燈，等疑犯知你有防備及錄影，當有陌生人就用手機對著，就無咁易對你下手」、「你拿著好多東西時明有陌生人走近，可以先放下部份東西，即時拿機拍攝」、「如果係發現有陌生人跟住時即刻打比親友keep住講電話，話比佢哋知你喺邊同埋叫佢哋聽到有咩唔妥即刻報警。即使半夜三更一時間搵唔到人都扮傾緊電話。而家有免提唔使拎住電話都可以扮」、「打火機會仲安全」。