大媽等巴士為打尖扮同前排男士傾偈 港女出聲阻止反被叫忍讓 網民嬲爆

港女等巴士被大媽打尖 出聲阻止被前排男士叫忍讓

女事主在LIHKG討論區發文，分享K.O.打尖大媽的故事。她指等巴士時排有一名男士後面，「有個師奶排隔離巴士線條隊，個師奶用鄉下話同個男人打招呼，跟住傾傾傾，當車到站準備上車，個c師奶扮晒嘢攝埋嚟」。

事主見對方「個樣好春風得意」，笑騎騎正想得手之際，即刻出聲稱「我明明排緊個先生後面，點解你會嚮度嘅？」聽罷，對方即「聲都唔敢聲，頭dup dup」，豈料前排男士竟說：「一個半個冇所謂啦」。

然後前排男士及師奶都不敢上車，反而讓事主先上，成功阻止別人打尖。事主更留言指各位下次被打尖一定要出聲！

網民：個男人憑乜講算

網民聽到事主的分享後，紛紛表示認同， 指最離譜的是前方男人所說的一句話：「算啦」，認為該名男士並沒資格叫排隊的人忍讓打尖的人。「算？後面成條隊啲人有冇話比佢插入嚟？」、「依種態度好唔要得，唔啱就係唔啱，有d仆x真係慣犯嚟，就係你依d人做成」。