大快活「超迷你」豬扒食客大呻無奈：可能係全世界最細的一塊豬扒！

Sep 12 2023

正所謂「食得夠尖，大快活」，而身為連鎖快餐店的巨頭的大快活，近年多番被網民批評每況愈下，除了味道質素下降外，份量更是經常性縮水。日前有一名食客發帖，分享自己落柯打的豬扒飯，當中豬扒極迷你，大呻：「可能係全世界最細的一塊豬扒」！

食客怒轟大快活豬扒超細塊！

有港人去大快活叫了一碟豬扒飯，但來到卻發現豬扒超迷你，令事主都不禁嘲諷「可能係全世界最細的一塊豬扒」！事主指出當時是叫午時套餐，並非下午茶餐，照理來說份量不會如此少。從圖片可見，豬扒體積目測只有半個手掌大，的確很迷你！

網民怒轟：食一啖就冇咗啦

帖子隨時引來大量網民熱烈討論，其中不少人都大插大快活不論是食物質素還是員工服務態度都越想越差，「大快活越做越頹」、「冇食大快活好耐啦」。網民都一面倒炮轟豬扒size太誇張：「會否細咗啲？」、「食一啖就冇咗啦」、「明呃消費者錢」、「貨不對版，同佢換啦」。不過亦有部分網民不可憐事主，認為他既然光顧大快活就應該預料到會有如此後果：「食得大快活就預咗會中伏啦」、「邊個叫你食大快活，明明咁多餐廳可以揀」。雖然帖子掀起很大的迴響，不過帖子不久後突然被刪去，因此未知後來事主有否向店舖反映事主。