【係愛呀！】大肚媽媽群起激讚 澳牛侍應其實係暖男！
廣告
講去「澳牛」，好多香港人都又愛又恨！食物係有水準，但係一眾侍應又有性格，又有原則，連嗌嘢食嗌慢啲都有說話聽，就令食客們受盡閒氣！近日英語界KOL蕭叔叔，就喺個人專頁派花生，話說蕭叔叔目擊一位疑似遊客的男子，竟然大膽到對澳牛哥哥駁嘴，結果反被侍應們集體問候，最後落荒而逃。呢種事喺澳牛發生，彷彿似係平常事，但係就引來一眾媽媽為澳牛侍應哥哥平反，究竟係點解呢？
撰文：Sunday Kiss 圖片：新傳媒資料室、網上截圖
澳牛其實好有愛！
澳牛以「光速餐」聞名，入座要聽從侍應安排，點餐食嘢交枱都要快，萬一食客稍有遲疑，打亂一眾侍應們嘅節奏，隨時畀人鬧住食！咁多年嚟，「粗聲粗氣」已經成為咗澳牛侍應嘅招牌之一。不過其實鐵漢都有柔情嘅一面，一眾為澳牛侍應哥哥平反媽媽，都異口同聲表示，其實澳牛哥哥都係暖男，對大肚媽媽細心到不得了！
一般食客聽落似係匪夷所思，但係咁多為大肚媽媽分享嘅經歷，都有唔少共通之處，睇真係「真的假不了」喎！究竟澳牛哥哥，對住大肚媽媽有幾咁柔情呢？
唔准大肚媽媽入凍嘢
大肚請你坐卡位！
唔准大肚媽媽排隊！
只有大肚指有VIP待遇
如果想試吓呢種「優待」，就要試吓孖住個大肚媽媽去幫襯，體驗吓啦！
