失業者悲歌！導遊兩度生意失敗 日睡兩小時跨區做保安維持生計 阿Q精神令人佩服
廣告
失業者故事！港台節目《鏗鏘集》早前播出《失業潮》，其中一名失業人士阿君的故事令人印象深刻，他歷經兩度生意失敗，由老闆變小販，做完導遊後又因疫情下變做保安，但他亦依然豁達面對，好有阿Q精神！
撰文：老梁｜圖片：《鏗鏘集：失業潮》｜原文刊於：新假期
曾做老闆變做導遊！疫情下失業成保安
港台節目《鏗鏘集》早前播出《失業潮》，節目探討多人在疫情下被炒轉行、搵工的難處，題材貼地，令節目成為YouTube熱門影片第一位。而在節目中，阿君的故事可以說是高潮起伏。
曾做老闆的阿君，97年因為生意失敗，轉行做無牌小販，由老闆變成小販拋頭露面，阿君當然不太習慣。一做小販就做了一年半有多，見旅遊業起步，阿君於是考了領隊排，負責內地線。但因疫情下，阿君的旅遊事業全部叫停，於是他惟有改變策略，轉做保安。
日做12小時 由新界西到港島東的日子
轉行做保安，返工地點絕不就腳。阿君每天都要4時30起身，5點準時出門口，搭上巴士，由天水圍出發到港島東。保安的工作長達12小時，朝8晚8的生活，阿君每天只睡得4個多小時。「以前保安大概都有$58時薪，不過疫情減薪減到$40，連最低工資都冇，不過依然大把人爭。」
曾創搵錢大計 第四波疫情令計劃暫停
導遊出身的阿君，曾於疫情期間想到搵錢大計，設定東壩一天團的計劃，計劃未落實，就已經有不少客人查詢，不過好景不常，第四波疫情突然殺到，令計劃暫停。「出外的旅行團，因為疫情的關係已經叫停，原本以為一天團都可以落實，怎料又爆發第四波，都是一個打擊，對旅遊業都是一大打擊。」
減省開支大屋搬劏房 只留下一部電視機
在一年冇工開的情況下，阿君為了減省開支，由兩房一廳的房子，搬到劏房，現在更要經常吃杯麵省錢。「以前我好鍾意係世界各地買醬料，返去可以煮好多野食，而家咩都冇，我只保存一部電視機，都50幾吋。我成日問自己幾時先可以再搬屋，有個廳有個廚房，用作警剔自己囉。」
低谷時裝備自己 阿君 ：仲有咩好怕？
阿君現在都有報讀多個課程，例如金融班、電腦班，更學習西班牙文，為將來做好準備。「其實疫情下全世界都停擺，但對我來講冇所謂，連小販都做過啦，仲有咩好怕？」
