失禮死人！港媽連依樣嘢都要偷？

Aug 8 2018

搭飛機時不應該拿走飛機上的物品是小朋友都明白的常識。但仍然有不少人喜歡順手牽羊，拿走飛機上的物品，日前有網友在討論區發文表示親眼見到一班「港媽」拿走飛機上未開袋的毛氈，而且不只一塊，而是一大袋！令網友覺得簡直「失禮死人」！

撰文：K | 圖片：新傳媒資料庫、irasutoya

該名網友表示早前同屋企人去旅行，同團有一班40歲左右，講純正廣東話的地道香港女人，「第一晚喺酒店大堂等分房卡時見到佢哋拎住幾袋嘢，其中一個放咗袋嘢係櫈度，我望清楚原來喺飛機上面未開袋嘅毛毯（氈），唔知佢哋偷咗幾多張。」

除了偷飛機上的毛毯外，這班「港媽」的瘋狂行徑亦都令這個網友不能理解。「第三日要轉酒店，佢哋已經一大堆嘢攞上車，我哋心諗使唔使買到咁瘋狂呀，去到每一個景點都買一大堆嘢，仲迫其他團友轉位(旅遊巴坐唔full)，等佢哋可以霸曬最後個行放佢哋嘅嘢」

而且，回程當日經過手信店，這班「港媽」連店外的紙箱亦想要，問過店員可否拿走但被拒絕，「點知佢哋可以厚面皮到襯職員擰轉背就攞起個紙箱跑返上旅遊車。」

這名網友忍不住說：「完全影衰曬香港人。」

網民：影衰香港人！

網民1：一樣米養百樣人…… 真係影衰香港人…

網民2：真正大開眼界兼失禮死人。

網民3：飛機D毛毯污糟都唔係秘密，咁都要攞，有冇貪得咁緊要呀。外遊的確可睇到香港人最醜陋嘅一面

網民4：送比我都唔要呀, 污糟到飛起呀, d 人放落地踩架, 嘔又搵佢抹, 墊腳舖地乜都齊, 唔係洗過放返入透明袋就以為係新下話…

網民5：我以前有個朋友, 佢同佢成家人都會偷飛機上的毛毯, pillow, 同餐具, 因為我親眼係飛機上見過佢攞, 同埋係朋友屋企見到佢屋企人用呢啲野, 但佢屋企唔係無錢的, 5個仔女,個個都出國讀書的…同同事出trip 時坐飛機, 有2個中女同事偷餐具…呢d係人品問題, 香港大把呢啲人

關鍵詞