女友臨去Staycation姨媽到 男友：飲多啲水姨媽會快啲走
廣告
不少情侶放假都會去Staycation，而有一位港女近日在網上出Post指，自己在Staycation前夕撞正M到，而男友知道後竟然指：「飲水姨媽會快啲走」，這令港女十分無奈。
撰文：CY｜圖片來源：Unsplash、香港討論區、愛回家之開心速遞｜原文刊於：GOtrip
臨去Staycation女友姨媽到 港女抱怨：男友話飲水姨媽會快啲走
香港土地問題好嚴重，不少情侶都鍾意Book個Staycation去酒店抒發情懷、做下二人運動，然而去Staycation撞正女性月事，實在是無可奈何、無法避免。點知最近有港女就在香港討論區分享男友的極品「屎橋」，真係冇得頂！
原來臨近Staycation，男友一聽到港女「姨媽到」，即刻頭耷耷好失望。等到出發去酒店前一晚，男友忽然提議港女「飲多啲水」，話自己上網見到「飲水姨媽會快啲走」，講到似層層咁，似乎好心急想趕走姨媽啵！
飲水能否趕走「姨媽」實在無從得知，不過港女秒速火滾就似乎是意料之內，於貼文一次過鬧晒全部男人：「點解啲男人為咗想要，可以諗呢啲咁嘅屎橋啊」，仲話「我唔想（做二人運動）嘅，即使姨媽喺唔喺度都唔會想」，向男友要求果斷落閘！
好多網民見到，都對港女男友的智商感到相當震驚，話「飲水姨媽會快啲走」的講法毫無科學根據，簡直「低能」。有網民插嘴話「衝紅燈又何妨」，不過要知道交通規則都有教，過馬路要睇燈，隨時有意外發生，大家真係要小心。
亦有網民認為「帶埋姨媽」去Staycation都無問題，其實吃喝玩樂，享受房間設施，好好休閒一下都已經為返本。
資料來源：香港討論區
