姚樂怡愛女一歲生日 契媽阿佘咀不停

現年43歲的靚媽 姚樂怡 ，去年12月22日為老公吳俊匡誕下愛女吳芊憧(英文名Gaibe，暱稱小雞髀)，不經不覺女兒已經一歲大！日前姚樂怡與一班星級媽媽又再聚頭，提早為小雞髀舉行一歲生日派對，相片可見現場星光熠熠，契媽佘詩曼更捉實小雞髀錫過不停！

撰文︰Sunday Kiss

圖片來源︰姚樂怡微博

小雞髀話咁快就一歲，姚樂怡邀請一班圈中好友參加生日派對，合照中見到文頌嫻、鍾麗淇、湯盈盈、蔡一智等人，還有一大班小朋友，非常熱鬧。另外桌子中間有一個不同卡通人物於一身的精緻蛋糕，小雞髀一定好高興！

姚樂怡好姊妹、小雞髀的契媽阿佘依然是單身貴族，未有帶同小朋友，唯有捉實小雞髀錫過不停補番數！

另外洪天明與周家蔚的兒子JT都有到場，可能佢見小雞髀愈大愈靚女，所以玩的時候竟人細鬼大捉住人哋隻手仔，認真鬼馬！

全文完