【婆媳糾紛】雙面奶奶挑披離間 新手媽媽大喊：寶寶，媽媽不會不要你！
廣告
【婆媳糾紛】婆媳之間，係咪注定要水火不容呢？ 台灣有位新手媽媽，就遇上一名雙面奶奶！竟然挑撥佢同初生BB之間嘅感情，令到新手媽媽萬分委屈！玻璃心碎到一地都係！究竟呢個雙面奶奶做咗啲乜？
撰文：Sunday Kiss 圖片：新傳媒資料室、爆怨公社
奶奶爆陰毒？
話說台灣呢位新手媽媽，生完B由奶奶接出院，返屋企途中，奶奶就教新手媽媽：「唔好BB一喊就去抱，咁會縱壞BB。」返到屋企BB就喊喇，新手媽媽想靠近BB，奶奶就即刻喝住，叫新手唔好好唔好抱。BB喊咗2分鐘之後，雙面奶奶就現真身喇！一邊抱起BB，一邊就話：「媽媽唔理你喇，你點喊都冇用～媽媽唔要你喇～你喊都冇用！」此話一出，新手媽媽即時大崩潰～
新手媽媽玻璃心碎
新手媽媽係喊包，但係催生痛咗3日都冇流過一滴眼淚，聽到雙面奶奶呢幾句說話，就忍唔住爆喊喇！因為新手媽媽係出自單親家庭，細細個就畀媽媽拋棄，呢句「媽媽唔要你！」簡直就係玻璃心嘅致命傷呀！所以新手媽媽就將經歷PO上群抒發，仲大喊一句：「寶寶我很愛你，媽媽不會不要你！」證明自己係個負責任，愛孩子嘅媽媽！
網民一面倒鬧爆奶奶
好多網民都鬧雙面奶奶有病，仲勸新手媽媽唔開心一定要搵人傾訴。
網民建議，自己BB自己湊，要為BB着想。
