撰文：Sunday Kiss
圖片來源：微博、《開門大吉》截圖

曉明媽：望Baby生6個

今年27歲嘅Baby今朝就喺香港順利誕下兒子，「小海綿」重6磅半，升級做爸爸嘅黃曉明即刻喺微博上傳咗張「大手碰小手」嘅擊拳合照，難掩其興奮心情。

Baby自懷孕以來減少工作量專心養胎，如今「小海綿」出世，母子平安，粉絲都好想快啲喺公開活動上再次見到Baby嘅身影。可惜Baby養好身體後，仍然會減少工作通告，留多時間係屋企相夫教子之餘，會繼續為曉明大哥生多幾個BB！曉明媽上節目時曾透露希望多子多孫，Baby最好生夠6個咁話喎。曉明大哥係屋企嘅獨生仔，又係一個超級孝順仔，當然會聽媽媽的話啦！

婆媳關係極好

日前曉明媽上節目時，談到兒子及媳婦Baby時，笑容有增無減，對媳婦Baby更是讚不絕口。曉明媽指自己和Baby不像婆婆跟媳婦，反而更像媽媽與女兒，大讚Baby「特別孝順」。曉明媽指，Baby於綜藝節目內不斷撕別人的名牌，就好似一個女漢子咁；事實上Baby私下其實係一個溫柔體貼嘅的乖乖女，放假唔使工作時，好少出街，大部分時間都會留喺屋企畫畫或者練習書法。言談間，都感覺到曉明媽對Baby極度滿意，難怪曉明大哥同曉明媽媽都錫晒佢啦。

中秋節團圓

和睦嘅婆媳關係，不但減少曉明大哥嘅煩惱，更令兩個家庭能和諧相處。去年中秋節時，Baby曉明跟雙方家人齊集食團年飯，幸福滿載。而喺今日出世嘅「小海綿」今年中秋終於可以加入，一家七口齊齊正正團團圓圓。

全文完