史上最孤寒新人！用殯儀公司租花車+被兄弟數臭5大低智行為雙方罵戰超精彩

Jun 26 2023

結婚一生人一次，所以婚禮也必定是人生中重要的一環，舉行婚禮當天時間相當緊湊，而陪在一對新人身旁的兄弟姊妹，亦都需要擔當起不少的負任，以令新人的大日子可以順利完婚，這份無價的友情是不能和金錢相比的。日前就有一名似乎是巴士車長的港男於網上討論區上發文，力數他的朋友舉辦婚禮的5宗罪，將兄弟當作廉價勞工任勞任怨，婚禮處處盡顯孤寒成性，當天行程安全得勁混亂，新郎在得罪兄弟後又砌詞辯駁：「始終都係第一次結婚，好多嘢都唔識」，種皇的原因下令事主直接缺席婚禮，場面搞得十分難睇！

1. 婚前開會只遷就姊妹時間兄弟缺席被埋怨不上心

新郎邀請了一班巴士車長朋友當兄弟，明知他們輪班，每次開會都只會遷就姊妹，當兄弟們都缺席時，還要埋怨他們對婚禮「唔上心」，反問「點解唔用Teams開會？」事主怒轟兄弟們都正在行車，「你叫人開Teams？你想人死早講呀嘛？」而新郎則回應，「既然一早對我有意見，點解唔同我講？」

2. 婚禮行程混亂缺乏溝通外母對兄弟惡言相向

新郎對婚禮當日行程「10問9唔知」，訊息混亂，而且下雨又無人幫忙正在搬運的兄弟撐傘，又突然「趕晒我哋落車要我哋搬外賣，一時又話酒樓食，最後買外賣都唔知原來有我哋份」，因此產生誤會，當場被外母指責兄弟浪費食物，有兄弟更一度想立即離開。而新郎卻回應，「中午食飯食咩都得，我唔評論，當年我做兄弟咪又係去快餐店，長輩講兩句唔好放心上。行程梗係改到最後一分鐘都有得改，做得兄弟預咗stand by，我都要平衡各方。」

婚禮孤寒新郎對事主的指控逐一反擊 — 新郎對事主的指控逐一反擊（圖片來源：討論區截圖）

3. 以殯儀公司名義租車開公數

事主又力數新人孤寒成性，最令事主為之側目的慳錢大法，女家一向從事殯儀館，為慳錢開公數以殯儀館的名義租用旅遊巴當花車，「租架喪禮專車接送賓客」，紅事當白事辦，就連旅遊巴司機都不禁問，「究竟呢單係紅事定白事」，事主嘲新人，最慳的方式是在老本行的場館辦婚禮，而且必享折頭優惠。新郎卻回應，「有錢我都想租勞斯萊斯，唔係白事牌頭，麻煩搞清楚做兄弟嘅配合主人家就可以。」

4. 兄弟利是「超出友情價」　新娘駁斥「見錢開眼」

另外兄弟利是女家畀$20、男家畀$100，事主作為婚禮司儀還額外收到女家的$20，事主貼上在網上婚禮各類「工作人員」公價表一一比對，兄弟姊妹約為$500-$1,000，因此事主收到的絕對是「友情價」，被「使到盡」之餘，還要倒貼$100買宵夜，新郎表示未預想過利是引來迴響，但未有實質回應下，出動新娘代夫開罵兄弟，「你哋眼中一千幾百天咁大，我諗住大家真心嚟幫手，原來錢不到心情唔好。」

婚禮孤寒新郎表示未預想過利是引來反響，但未有實質回應下，出動新娘代夫開罵兄弟 — 新郎表示未預想過利是引來反響，但未有實質回應下，出動新娘代夫開罵兄弟（圖片來源：討論區截圖）

5. 漠視兄弟當日的配套安排

事主對新郎一直未有率先派帖給兄弟大感心淡，「對我哋有冇心好易睇，連帖都係去到會場當日先畀我哋」。而新郎卻回應，「太多嘢搞，漏咗你哋張帖，估唔到咁介意。」再者，新郎稱已預訂房間讓大家早一晚過夜、翌日早起，但竟然只訂了2間雙人床，令事主作為第5人迫不得已要睡在浴缸。新郎卻回應，「我有阻止你瞓浴缸㗎，你話唔洗。」另外，事主大呻兄弟制服褲手工差，穿未夠一天已爛，新郎卻嫌兄弟制服租金$500很貴。新娘反駁，兄弟褲出問題，責任在金都的店舖，非在新人。