【媽媽的愛】乖仔一句好食 阿媽包夠200粒麥提莎湯圓
廣告
仔女嘅一句「好食」，永遠媽媽最大嘅讚美！最近有網民分享因一句「好食」，令媽媽一次過包夠200粒麥提莎湯圓，網民連食3日最終要「嗌救命」。其實好多媽媽下廚都係希望得到仔女一句讚美，各位孝子孝女們可以試下讚多啲媽媽唔同嘅菜式，咁就每日都有唔同菜食啦！
撰文：KM |圖片：LIHKG
乖仔一句好食 阿媽包夠200粒麥提莎湯圓
最近有網民於連登討論區分享趣事，表示元宵節當日媽媽好開心咁向佢講學識咗包麥提莎湯圓。結果就端出一碗「湯圓」皮全破裂，內涵的麥提莎更溶在湯底內。網民媽媽解釋「唔小心煮爆咗少少，照食都好好食㗎仔」。整碗湯圓雖賣相不佳，不過，孝順嘅佢依然話好食。
、
結果媽媽聽到囝囝呢一句「好食」，就返入廚房繼續包湯圓。結果一包就包咗接近200粒，網民表示已經早午晚三餐連續食3日，最終忍唔住上網求救。
網民齊分享 一句話的威力
而曾經亦有連登討論區網民分享「一句話的威力」。其中一名網民就向媽媽表示想食橙，媽媽就買咗超級多橙佈滿整個雪櫃！亦有網民向媽媽表示喜歡吃魚，結果整個雪櫃都被魚塞滿。
