學童秋冬保暖 防感冒 完全指引

當大家都話出街冇咁熱好開心嘅時候, 我就頭痛喇.

因為舊年呢個時候, 屋企 3 姊弟都輪流感冒, 我唔想又再嚟多個 round 呀!

其實, 轉天氣, 溫差大, 家長最怕小朋友病, 因為早晚涼/ 凍, 晏晝出太陽又熱熱哋, 加上小朋友成日周圍走周圍玩, 容易熱到成頭汗, 好易「攝」親.

我今次要做足全方位準備, 希望做到 防感冒 啦!

【薄衣層層疊】

學校班房入面真係唔會凍, 因為有成 30 幾人, 有時仲會幾侷吓, 除非嚴寒, 唔係都唔適宜著厚外套同厚底衫, 小朋友活動會唔方便㗎!

穿衣貼士

1. 底衫:

微涼時 – 薄薄1件透氣嘅就得

寒冷時 – 1 件HEATTECH / 羊毛底(可加底衫)

2. 外套

微涼時 – 1 件薄冷衫, 易著易除, 收落書包備用一流

寒冷時 – 羽绒、棉襖, 因為輕身、防風. 返學時再加件校褸, 夠晒暖

Keicy、Kassy 兩姊妹平時出街貪靚著裙仔, 都會帶件外套 / 風褸

而細佬 Par Par 喺戶外玩就會著背心, 入到室內就視乎溫度, 加返件薄薄哋嘅恤衫當褸.

學校旅行, 可以著短袖衫(玩到熱)，不過會著薄身長褲, 唔會畀蚊針.

當然, 要帶定一件薄薄哋嘅褸, 同一道理, 凍可以著, 熱可以除嘛!

【能量補給】

1. 暖水:

小朋友喺夏天習慣咗飲凍水, 入秋後, 家長可以為佢哋預備暖水壺, 入滿暖水, 帶返學校, 並提醒佢哋飲水.

講到水，相信好多人屋企都有安裝濾水器，因為可以隔走啲污糟嘢同有害物質.

而我屋企係用日本品牌 Cleansui 嘅 CSPXE 濾水器, 因為佢有:

a) 五層次式過濾系統(可過濾總三鹵甲烷、殘留氯、農藥、污濁物、溶解性鉛等 13 種有害物質同時保留礦物成分

b) 精密 [中空絲膜] 可去除直徑 1 微米以上嘅細菌、真菌、微生物、微粒子金屬(鐵銹、鉛) 等

c) [活性碳] 嘅吸著能力，可以去除自來水嘅臭味、漂白粉及黴臭味

d) 陶瓷濾材 – 可去除金屬離子鉛成分

e) 革新液晶畫面 – 顯示濾芯使用壽命同更換時期

f) 電池壽命顯示

g) 電子屏幕提示濾芯更換時間

以前會驚唔記得幾時要換濾芯, 又驚唔識換.

而呢個就好方便、好先進, 會著燈顯示, 提你要換濾芯. ^^

2. 有益零食:

返學放小息 / 出街覺得凍時, 有嘢到肚, 會令身體暖啲.

【增強抵抗力】

1. 接種流感疫苗 – 其實屋企嘅長者都需要, 建議一齊去打針, 跟住飲茶聯誼吓 ^^

2. 多曬太陽 – 有研究發現, 喺流感季節, 如果維他命D含量過低, 就會客易有流感, 而曬太陽就可以刺激人體免疫細胞生長, 特別係用嚟攻擊流感病毒嘅免疫細胞.

而秋冬最好嘅曬太陽活動, 就係行山、踩單車、去公園玩喇, 順便做埋運動, 夠晒合家歡!

3. 多食蔬菜水果 – 保證身體有吸收維他命C

【日常預防】

1. 空氣要潔淨、怡人、流通

a) 潔淨小幫手:

平時我會開著葡萄牙品牌 Airfree P150 嘅空氣殺菌機，清除空氣中嘅塵蟎、細菌、真菌、病毒、花粉、家居寵物致敏原及其他微生物，令空氣好啲, 從而自然解決哮喘、呼吸道敏感及黴菌等問題.

`

b) 怡人香薰:

比起清潔劑等等, 現時某啲味嘅香薰可以殺菌, 又香啲同天然啲.

而且, 部分香薰都幾 relaxing, 大人細路都瞓得好啲、甜啲、舒服啲, 身體都好啲!

我選用瑞士家電品牌 Stadler Form 嘅無線香薰機 Lea,

因為唔使加水 / 溝水, 而坊間好多香薰機都要做呢個步驟.

只要成支擺入機身，撳個掣就開 / 閂,

用幾多/ 幾耐, 自己控制,

唔同坊間部分機種, 你滴香薰落啲水度, 就要用晒為止, 用唔晒就會嘥咗,

Lea 就冇呢個問題, 夠實惠. ^^

另外, 佢嘅無線設計好方便,

只要好似電話咁叉滿電, 就可以通屋行, 唔使「能」住條線.

咁小朋友去邊度玩, 都可以帶埋去, 或者周圍擺吓.

c) 注意室內空氣流通:

喺嚴寒天氣, 每日都要開窗通風約 30 分鐘

2. 注意個人衛生

勤洗手洗面, 可以大大減少患上流感嘅機會.

洗手唔好剩係沖一沖就算, 要用番簡或者洗手液認真咁洗呀!

專家話, 就算用咗有抗菌配方嘅洗手液, 作用都係有限, 洗手後接觸被感染嘅人/物件, 都有機會被感染.

3. 於流感高峰期

盡量少到公共場所, 人多地方最好戴口罩

4. 唔好節食

雖然肥胖會增加患上流感嘅機會, 但過度節食減肥亦會令免疫細胞受損, 經常增重或減肥嘅人體內白細胞數量較少, 而白細胞係人體免疫系統防範體系中嘅主要組成部分.

專家表示, 過度節食, 身體會有極大壓力, 能量同營養都唔夠, 就會令免疫系統受損, 而節食更會影響小朋友發育, 所以無論大人小朋友都要定時定量食嘢呀.

好, 做足準備, 天氣點變都唔怕啦! 🙂

FB: KeicyKK