父母出錢搞裝修 單位竟變「敘利亞風」似足爛尾樓：屋企人差啲斷絕關係
「敘利亞風」裝修 父母險斷絕關係
有網民在Facebook群組「香港裝修中伏、室內設計、傢俬店苦主群」發文，並上載10多張關於一單位全新裝修，不過，樓主以文字形容「因為啲裝修錢係父母出，裝修完後，父母上咗去睇，差啲斷絕關係」，令一眾網民對單位裝修面貌大感好奇。 據該帖文的相片所見，該裝修單位以長形開則，驟眼看，整個單位的天花、牆身和地板裝修工序「貌似」未完成，各處均看到石屎露出，天花批灰「好像」未完工的模樣。
樓主未有交代單位位於何處，只留下一句「因為啲裝修錢係父母出，裝修完後，父母上咗去睇，差啲斷絕關係」，當初令網民以為又發生一宗裝修中伏個案，原因是單位裝修破爛不堪，與「爛屋」無異，但當網民細心觀察，始發現單位的裝修另有乾坤。
「敘利亞風」裝修意見兩極
原來，該單位大玩「重口味」工業風，裝修細節刻意用上最原始的石屎狀態，再配以淡紅色磚塊裝潢，全屋電喉故意外露以及天花板「一忽忽」批灰。 有網民表示，驟眼以為單位是被戰火洗禮的模樣，其「敘利亞風」裝修有如置身戰火地區，「差啲子彈窿」會更真實。
樓主未有深入分享單位裝修，只是以hashtag「#其實唔差」、「#戰爭與和平」、「#係有品味」、「#是控訴戰爭到最後傷痛是兒童」來單表達單位設計的心聲。
對於單位以「敘利亞風」裝修，有網民大表欣賞，形容屋主想法相當大膽：
- 「唔差喎，crude industrial look 呀！」
- 「要幾夠膽先肯咁整，Raw 得來又幾有格調。」
- 「有心喎，d電喉都用返金屬喉，重本！」
- 「差啲子彈窿，有埋仲正。」
- 「同我屋企一樣設計喎，我用咗20幾年去design。」
- 「如果係牆貼就cheap啲，如果係真嘅就靚。」
網民：好似大陸爛尾樓
亦有網民提醒上述「敘利亞風」設計，有可能影響屋主日常生活和居住健康：
- 「其實要做層finishing, 一係長期開大個窗通風，如果唔係日日吸石屎塵好傷肺。」
- 「我認老餅，我接受唔到呢個風格。」
- 「大陸爛尾樓都係咁。」
- 「真係慳好多，五十年唔使批灰。」
每日出完街、返完工返屋企，其實只是想有一個環境，令自己覺得安心、放鬆，如果這種風格符合居住者期望，那便最好不過；但是，家居裝修這種大事最好都是從詳計議，切勿馬虎，一味貪快。消委會則有以下寄語，提醒消費者：消費者應先訂立工程預算、時間及範圍，再尋找合適的承辦商。消費者可參考公司過往的工程項目、公司的聲譽和承諾，及所提供的服務範圍，包括度尺、設計、圖紙等，從而挑選合適的公司。
