港男住1樓搭𨋢被男童嘲：咁都唔行落去 男童父做1事更嬲：有其父必有其子

港男住1樓搭𨋢被男童嘲唔行落去

網民在Facebook專頁「生仔要考牌系列」投稿，指自己住在一樓。有一天上班搭𨋢的時候，遇上一對父子。之後，男童說：「住一樓都唔行落去。」網民認為男童的意思是指他一樓搭𨋢阻礙兩父子的時間，他頓時感到非常詫異，認為自己雖然住在一樓，但自己也有權利搭𨋢。他又認為如果父子二人覺得如果覺得趕急，指他們都可以行樓梯。而爸爸聽後都只是摸摸男童的頭，沒有再說其他說話。他認為男童非常失禮，而爸爸不但沒有訓斥，而且沒有任何說話，只是摸一摸男童的頭，令他感到對方沒有家教。

部分網民認為港男不應計較童言童語

有網民認為男童只是說出事實：「佢咁講係寸啲，但一樓真係行都快過搭𨋢」、「個老豆有唔啱，不過細路個思維無錯」、「佢係真心㗎」。都有網民指港男為人小器，指他不應和小朋友計較，因為：「童言無忌」、「何況細路只係同老竇講嘢時畀你聽到，又唔係直接同你講，事實係難聽啲，大人大姐就咪咁小器啦」、「個小朋友係疑問，問爸爸點解唔行樓梯，小朋友問嘢，唔係錯，係唔識得睇風頭火勢問啫」。

網民撐港男：大家都有交管理費 點解唔搭得𨋢？

另外有網民力撐港男﹐指住一樓同樣有交管理費，所以應該享有同樣的住戶權利：「住一樓無交足管理費、雜費、電費咩？點解唔可以用𨋢？」、「既然大廈設計有一樓呢個出口，住客交嘅管理費亦包括電梯保養維修，所以一樓住客都同高層住客一樣，絕對有權選擇搭或者唔搭，呢個純粹係個人意願，家長應該懂得教導孩子去學習尊重別人！」

亦有網民指住一樓坐電梯都可以有其他原因，男童不應批評他人：「其實好似讓座咁，唔應該批評人，你點知人地又無腳痛、頭痛，其他需要（好多嘢唔係肉眼可以見到），就算身體健康，大家都住嗰度都有權用（更何況有啲樓梯好熱好暗或有味）。」、「有畀錢搭車就一定要讓位？廚房咁近但嗌外賣？其實會唔會唔關距離事，係個人需要問題呢？」

網民分享教仔經歷　又分享部分樓宇設計令一樓住戶必須搭𨋢

很多網民分享自己的類似經歷，指自己的女兒都同樣說過同樣的說話，不過因為兩部電梯之中只有一部能運作，女兒覺得一樓的住戶其實都入不到，倒不如行樓梯。有網民又指自己的大廈的樓梯連接安全系統，推門便會響警號，所以未必每棟大廈的樓梯都可以供住戶使用。也有網民分享自己兒子曾因為分不清肚腩和懷孕女士而出現尷尬情況：「我仔幼稚園時，有次搭電梯。問我：『後面個姨姨係咪有咗BB？然後我尷尬地同人講唔好意思。但小朋友就係咁簡單直接，唔識分肚腩同有大肚，唔通咁樣就無家教？』」

資料授權：Facebook專頁「生仔要考牌系列」