家長投訴 暑期作業胡亂定價 學校反駁
撰文：Fiona Fong
相片：讀者提供
設訴內容如下：
本人兒子在上水翠麗花園比諾中英文幼稚園就讀，今年根據學校通告以$180購買暑期作業。當暑期作業派回來後，我發現這本暑期作業的收費與價格有差別，今年的暑期作業附送了一本圖書 + 3張工作紙。我即時上網查閱暑期作業的價格，然後再打電話給書店查詢，這本暑期作業原來價值$51。
我便打電話給教育局說明情況，之後，幼稚園校長致電給我，校方亦主動提出可以退款給我，還說：「我哋張通告又無印清楚，嚟方面我哋需要改善。」（由於小朋友已撕下貼圖的貼紙）我便聯絡書店訂購一本作業給學校退款。
當我回來要求退款發生了以下情況：
（早上8時45分)
我 : 我攞返d作業嚟退款呀！
書記 : 等等…我叫校長出嚟。
我 : 唔該。
校長 : 做咩事呀?
我 : 我攞返d作業嚟退款呀！我買返本作業比你都係$51（揸住張$51單據同校長講。)
校長 : 做咩空白無做到?
我 : 你話唔好做，叫我新嘅攞返嚟呀ma…
校長 : 你放學再嚟，我要check吓…（其實我心諗唔知佢要check咩？暑假時已經講好了。)
我 : OK （放學11時45分按門鈴入學校)
我 : 我想搵校長。
（由於學校放學時間是12時正，我亦有另一名小朋友就讀小學，放學時間是12時10分，所以早少少攪埋張退款。)
書記 : 你等等…校長卓亨媽咪搵你。
校長 : 你叫佢放學再嚟，我e家唔得閒。
我 : （向書記講)我今朝嚟到e家3個鍾，唔係仲未攪完單退款呀?
書記 : 無出聲，笑了一笑。
我 : 企係度等囉…
校長 : （攞住個杯行出嚟，我望住佢)家長唔可以逗留係度喎…你出返去門口先
我 : 我今朝嚟到e家3個鐘，你仲未攪掂單退款?e家都11點9囉喎……
校長 : 我哋好忙嫁，e家都未放學。
我 : 你攪左比我先啦，我仲要12點2湊大仔
校長 : 你出出面等啦！
我 : （一路行出去)你唔好再阻我時間吓
我 : #×$＆+※%
校長 : %+$※?#
（出面大把家長) （到了12時正放學)
校長 : 行出學校門口。（無理會過我。)
我 : （仲要我開聲問佢）你準備好張退款未呀?
校長 : 準備好嫁啦！
我：我聽朝先嚟攞呀！
校長 : 你嘅然咁唔鍾意嚟間學校，點解仲係度讀呢?（當時係放緊學時間)
我 : 校長，你講嘢係咪應該顧及返你校長嘅身份呢？
校長 : 你都應該顧及返你家長嘅身份啦! 我無鬼再同佢講，我趕住湊大仔。
記者就家長的言論，致電幼稚園，發言人指確有此事，但已經退款給該位家長，更表示圖書《創意阿豆》是從外國訂回來的，更是精裝版，價值$108。記者亦翻查圖書的資料，搜索無果，又致電給各大零售書店門市，查詢該圖書的價錢，書店門市都指沒有此書的資料。
問到家長指退款手續太長，發言人則指，退款都要填寫文件，需要一定的手續，過程的確需時。
至於$51的暑期作業，加$108的圖書，還備有3張工作紙讓小朋友讀故事後做練習，全套收費$180，大家又覺得這個價錢合理嗎？
