家長攻防戰迫死自己同小朋友

Jun 24 2016

喺呢個教育制度下，其實唔只小朋友辛苦，家長都好大壓力！今集《沒有起跑線？》中，講述Sharoni曾經係一位「至尊怪獸家長」，過往為兒子報讀跆拳道、普通話、拼音班等興趣班、學術班。她每月付出萬幾蚊學費及補習費，目標是希望五歲半的囝囝能順利入讀小學名校。辛苦嘅，除咗係小朋友，仲有媽媽。

父母之間要比較，生日會要喺酒店搞，搞到好似嫁女同娶新抱咁，Sharoni仲講咗句：「而家咁大壓力，講得難聽啲，咪就係為咗阿媽嘅面子！」

拎住一大疊證書，以為面試一定得，點知報咗八間都話唔收，原來人哋個仔仲勁啊！結果令Sharoni醒覺，唔想迫死自己亦都唔想迫死個仔，佢話：「唔比較咪唔會輸！」所以佢決定唔再同其他人比較，揀咗一間二線學校，結果一擊即中！

另一位小朋友Tessa每次考試都考第一，偶然一次考第二，就會好唔開心。Tessa偶像麥明詩就鼓勵Tessa要學識接受挫折，因為經歷得越多挫折，有笑有淚，有黑有白，人生先會豐富。

撰文：Fiona Fong
相片：TVB截圖

關鍵詞

熱門文章