將軍澳單車公園遊玩 三個月大B女險中BB彈
廣告
去年12月，將軍澳區曾發生多宗途人遭氣槍射擊受傷事件，其中一名兩歲男童險盲。日前再發生氣槍射擊事件，一名手抱3個月大的BB女媽媽在將軍澳單車公園被BB彈射中，該位媽媽表示：「當時我係抱住阿囡，好彩BB彈冇射到佢。」
將軍澳單車公園遊玩 三個大B女險中BB彈
有媽媽在將軍澳群組報料，指當日抱住三個月大的囡囡同婆婆去單車公園玩時，「有幾粒嘢彈咗落個頭度」，其後看到附近大約有五六米遠，有一對大約九歲同六歲的小兄弟玩緊BB彈槍！該位媽媽同小兄弟講咗句：「唔好再玩！」就立即把囡囡抱返入BB車離開，更指走之前見到小兄弟將一大樽BB彈逐粒放入支氣槍度！「目測有成百粒BB彈！」
雖然該位媽媽表示不清楚小兄弟是否故意瞄準途人，她表示當時抱住BB，又同緊BB講嘢，所以沒有留意到，直至「中彈」後，才見到一對小兄弟係咁望住事主。另外，該位媽媽亦留意到小兄弟與家人同行，包括爸爸及婆婆。她不明白家長怎可以由得小朋友在公園玩氣槍！又指：「傷到人就唔好啦，傷到自己就真係麻煩！」
