專家教路 慎防電話騙案

騙徒常用6招

1) 扮綁匪 – 致電家長，聲稱已拐帶其兒子，要求贖金，再安排一個細路邊喊邊嗌：「媽咪救我！」，意圖令家長信以為真。

2) 扮速遞公司職員 – 致電事主，指其信用卡遭盜用，又聲稱將電話轉駁至上海公安局，由另一名騙徒扮演公安局職員，要求事主到銀行存款。

3) 扮郵政局職員 – 指事主郵件藏違禁品，要求提供個人資料核對。

4) 假扮中聯辦 – 指懷疑究事主涉及洗黑錢，要求繳付巨額保證金，並表示如查明事主清白，將會全數退回。

5) 扮積金局職員 – 推銷強積金產品，並向事主索取個人資料，以便提早夫提取強積金，當中涉及佣金收費。

6) 扮平安鐘職員 – 致電長者，聲稱要為平安鐘進行檢查及維修，並收取100元費用。

新一哥話: 要錢實係有古怪!

新任警務處處長盧偉聰指出，電話騙案日益猖獗，如果市民接到不明來電，要求提交個人資料、金錢及財物時，就要提高警覺。而市民亦應僅記以下6點，慎防受騙。

防騙6招

1)接獲不明來電，要小心核實對方身份，切勿隨便交出財物。

2) 切忽對來電者透露子女、親戚及朋友的名字。

3) 切勿輕信來電者的說話，有疑惑，應立即致電子女、親戚及朋友求證。

4) 切勿將金錢存入不知名人士的戶口。

5) 假如來電者聲稱已挾持子女、親戚及朋友，應即時報警求助。

6) 教導家中長者上述方法，以防被騙。

專家告誡: 有理冇理，cut咗線先!

據有多年偵訊經驗的一目偵信社長King Sir表示，騙徒善於捉心理，及利用事主的同情心，如果家長收到疑似綁匪來電，切記要保持冷靜，即時收線，先確定子女所在。「綁匪目的就係錢，如果 小朋友真係被綁，收唔到錢係唔會罷休，所以就算cut咗佢線，佢都一定會再打嚟。」總之當收到可疑電話，家長一定要保持鎮定，先聯絡子女確認其安全。

騙徒善打心理戰

King Sir又指，如果係電話騙案，騙徒一定唔會輕易那受害人收線，而且會不停恐嚇，擾亂受害人嘅心神，令佢哋墮入圈套。所以收到可疑唔應該獨自同來電人糾纏，有理冇理，先狠心收線，再設法聯絡子女、親戚及朋友，最好就即時報警，讓警方處理。

手錶定位裝置 助家長掌握子女行蹤

香港家長大多忙於工作，小朋友多數要拜託親人或工人姐姐幫手照顧。而小朋友返學又唔方便隨時用手機，如果咁啱遇到電話騙案，要即時掌握小朋友嘅行蹤亦唔容易。如小朋友年紀細，唔方便隨身帶備手機，家長可以考慮為小朋友準備兒童穿戴式裝置。佢嘅外形好似手錶，實際 上可以當作手機使用，只要長按通話鍵即可直接致電兩個聯絡人，方便孩子隨時向家長報告行蹤，最多可以接收十個聯絡人嘅來電，接收來電後超過10秒仍未接聽，系統便會自動接通並維持通話狀態一分鐘，等家長可以了解孩子嘅狀況。除咗通話功能，仲可以支援 GPS / AGPS，咁家長就可以透過裝置嘅應用程式，嚟追蹤子女嘅位置。

KizON於指定豐澤有售，售價$998。

撰文:Joanne