小三學生評TSA：我想試一下，唔係覺得人生一啲難度都無！
廣告
依幾年喺小三學生考唔考TSA依個問題上面大家都持有唔同意見，有好多家長都怕TSA會對小朋友造成額外嘅壓力。今年嘅小三全港性評估(TSA)將會於5月初及6月中舉行，有電視台訪問學生對考TSA嘅睇法，其中一個小三學生非常霸氣咁答：「我想試一下，唔係覺得人生一啲難度都無！」，引起網民熱烈討論！
撰文：Sunday Kiss｜圖片來源：新聞截圖
小三學生評TSA：我想試一下，唔係覺得人生一啲難度都無！
面對TSA嘅來臨，依一個小三學生無懼考試，回應話：「考試都試過好多次啦，有咩（好）驚啫？我想試一下，唔係（就）覺得人生一啲難度都無！」認真霸氣！
佢嘅回應引起網民嘅熱烈討論，有網民就話肯挑戰自己，成績應該唔錯。
唔係咁多學生鐘意挑戰自己，我估佢係學校應該真係讀得幾好成績
有網民就覺得應考TSA的確係無難度
其實只填個名，洗咩驚，阿媽都睇唔到成績嘅，交白卷真係無難道（度）
亦有網民認為問題其實係TSA引起嘅操卷文化
問題唔在於TSA，係在於班怪獸家長同學校迫學生操卷
其實考真係唔係問題，問題在於無止境嘅強制操練
TSA/BCA 根本只係代罪羔羊，取消咗咪操第二樣
關鍵詞
TSA
