港媽心痛兒子小學功課多做到深夜 網民揭穿真相反鬧：家長自己攞嚟

港媽呻小朋友功課太多至深夜才能完成

該名港媽發文表示小學剛開學不久，小朋友的學校已安排大量功課，並且有一定的難度，基本上小朋友至深夜才能完成每天主科（中、英、數、常）至少一至兩份的作業：「功課多到小朋友成日做功課做到夜晚11點幾先做完。啲功課又難，有時小朋友唔識做問我，我都要上網搵下答案先教到佢。」

她表示小朋友日日做功課做到深夜，翌日又要早起床上學，開學一星期休息不足，「真係一啲都唔明點解啲老師畀咁多功課？」

港媽更表示功課問題令兒子休息不足，「見到阿仔返學一星期，個個樣已經攰咗好多，無晒神氣」，擔心兒子的精神狀態。

網民反斥港媽「學校自己揀」、「無得怨」

不少網民紛紛反斥港媽港媽盲目選擇名校入讀，家長應按照小朋友的性格去挑選學校：「見到好多盲目揀名校（但完全欠準備，抱住考到先，就算？）」、「認真了解子女性格才去揀學校」、「多功課是成為名校必先條件」、「據我所知，普通區內名校，區外人未必知果D，每科都3至5樣功課起跳，例作業，抄寫，補充，工作紙，網上功課，都未計改正……。
所以，每日10至15樣功課係基本。」、「以前我讀小學咪又係咁多，一日小既7，8樣，星期五仲多」

亦有網民認為是「家長自己攞嚟，明知自己小朋友唔得仲要搵d多功課嘅學校，唔好同我講係小朋友嘅決定囉」，應該家長最清楚自己小朋友的能力，明知小朋友能力不及，仍要強行選擇多功課量的學校，得此惡果是家長咎由自取。

網民提議為小朋友訂立目標

有感同身受的網民說：「我個仔都係好多功課」亦向該港媽分享其心得，提議放學後先讓小朋友歇息，並為小朋友訂立目標，獎勵小朋友每完成兩至三份作業，就能有五至十分鐘的小息時間。這個方法除了希望「小朋友為了小息可能快手點」，還有經過休息後，個腦才轉得快，能減少做功課的時間。

另外有網民指樓主兒子做功課的時間太誇張：「有無咁誇張呀！我女今年9月由國際學校轉咗去港島某名校讀，每日6、7樣功課加網上功課，為咗可以做完快啲玩，佢會喺小息做兩三樣簡單嗰啲，之後返到嚟做功課連埋溫習，通常5點前已搞掂。」