小學數學題目考起家長！圖上哥哥手錶有幾長？引起網民激辯：可以再癡線啲
廣告
功課及課程似乎只會越來越深，以前我們學A for apple, 現在a要 a for astronaut。所以學生壓力越來越大，除了要面對讀書壓力外，還要參與大量課外活動。而除了考試，原來日常功課都可以搞到家長同小朋友一頭煙！早前「名校Secret」專頁流傳一張小學數學題目圖，一圖引起千重浪，網民紛紛加入激辯！
小學數學題目考起家長！
有網民喺Facebook群組上傳一條小學數學題，圖中顯示一幅手錶圖案，並要求學生量度手錶長度。
題目：「右圖是哥哥的手錶。手錶的長度是多少？」
並提供4個選項，如2cm、12cm、22cm同52cm。
家長指選擇錯誤 老師打交叉
不過學生並無選擇任何一個答案，而有一行疑似係家長筆跡嘅字句喺手錶圖案底下寫上：「家長的話：量度後長度確實是5.5cm，ABCD答案也是錯。」
不過當老師批改後，就喺5.5cm上用紅筆打上交叉，並喺「家長的話」底下寫上：「可以戴在手上的手錶，長度會是多少呢？」
小學數學題上載網上 引網民爭論！
題目被上載到網上後，獲得大量網民爭論。有人指「老師係咪搞錯咗？題目講梗右圖喎！」亦有人笑言指如果無哥哥係咪可以唔使答？不過都有網民認為數學題目係訓練學生邏輯，老師又錯唔晒。
原文刊於《新假期》
圖片來源：八大電視《超感應學園》劇照、Pexels@lisa-fotios、Facebook@名校secret、TVB《愛回家之開心速遞》截圖
