就生得! 7位靚媽 懷孕靚相 大公開
許廷鏗留言話呢個「七人」飯局夠晒經典，難得幾位孕媽媽臨盆在即都抽空出嚟食飯，相信下次見面時，三位靚媽的BB已經出咗世啦！其實娛樂圈中，有幾位媽媽都準備生B，佢哋都趁懷孕留倩影，一齊睇下呢6位媽媽的孕照啦！
吳若希 預產期5月
Jinny懷孕後一直少有露面，最多都係喺社交網站放相放片。日前佢同唔少媽媽一樣，希望趁懷孕時留倩影，孖男友Alex影靚靚大肚 寫真！相中Jinny半祼上陣，甜蜜黑白照中兩人攬到實，Alex則輕吻女友面珠，佢仲留言：「無論你變得幾肥美，我都會一樣咁錫你～」
呢個友仔尋晚開始係咁郁手郁腳無停過，搞到佢阿媽瞓得勁差，今朝一早起身陪佢憨居居攤係張床成日！ #bb保你大 #尋晚勁早瞓 #朝早個早 #虛脫 #做人阿媽甚艱難 #把拔返工好辛苦 #姐仔你今晚有無打算瞓
jinnyng（@jinnyng）分享的貼文 於 張貼
謝安琪 預產期本月
就生得啦！其實前日都有傳話阿Kay生得，不過佢鬼馬嘅老公就喺IG澄清話：「多謝大家嘅關心，明白，收到哂😘👌不過今日我仍然要繼續工作，太太依刻仍然優雅咁係屋企行嚟行去….」澄清得好盞鬼！哈哈！
車婉婉 預產期4月
41歲車婉婉預產期為4月，佢三年前與中澳混血兒Johnathan拉埋天窗，一直有意生BB，但原來一直搞錯排卵期，錯失了多次機會，加上醫生告之其懷孕機率處於極低水平，兩人都打定輸數。之後婉婉戒掉飲食壞習慣，更找中醫以食療調理身體，就在上天安排下，婉婉 自然懷孕 ，原來小生命在她調理期間奇蹟降臨。早前婉婉更趁懷孕留倩影，佢話：「本來沒有打算影的大肚相，到這段日子突然覺得好需要。懷孕本來就是恩𧶽，到我這個年齡更加感恩。就是可能是人生的一次。」
楊愛瑾 預產期5月
將於5月榮升做媽咪嘅 楊愛瑾 （Miki）早前喺FB分享型格懷孕寫真！不過佢就有啲麻煩啦！事關佢前幾日突然喺FB用英文大爆 陪月 突然因私人理由甩底，仲話自己仲有BB用品未買，間屋亂糟糟添！
張名雅 懷孕第三期
2012年港姐冠 軍張名雅（Carat）去年11月宣布有喜，還指出腹中懷有男B，名叫Mario，Carat與律師老公蔡錦豪（Joe）更齊齊穿上孖寶兄弟裝報喜！Carat未有透露預產期，希望對外保持一些神秘感，只透露是懷孕第三期，預產期距離今次訪問尚有一段時間。面對Mario BB就快出世，Carat的心情愈來愈緊張，BB物品買得七七八八，已準備執走佬袋。
李潔瑩 預產期4月
黎諾懿 自2012年開拍《愛•回家》，憑住「最接近神的男人」馬壯一角入屋，個性調皮幽默、為人自信，形象深入民心。上年11月中， 黎諾懿 趁着與老婆李潔瑩（Nicole）結婚2周年紀念，喺ig上載短片宣布太太懷孕嘅喜訊，仲展示太太嘅超聲波相片。一索得男嘅 黎諾懿 終於係婚後兩年榮升做爸爸啦！佢哋仲幫BB改咗個花名做小春雞，哈哈！上星期，佢哋仲搞咗個Baby Shower，好熱鬧好開心啊！
葉翠翠 預產期5月
預 產期為5月的葉翠翠自懷孕後，積極吸收各方資訊，喜歡分享的她在網絡頻頻出post教煲湯、燉補品、孕婦飲食、如何打扮做個靚孕婦等等，猶如一本「人肉懷 孕天書」，完全不似一個新手媽媽。上星期，佢仲同大家分享懷孕寫真，翠翠喺FB寫到：「我結婚當晚的背景是花花牆，現在大肚相都有，相信好多位女士都會中 意，其實我老公都好中意。希望大家喜歡我的大肚相！」
延伸閱讀：葉翠翠 懷孕進補 扮靚天書
