屈臣氏樽蓋被踩史上最冇用發明 遭網民狂鬧唔識貨：貼心設計仲拎過大獎

不過就有更多人持反對態度，怒指唔識貨：「知唔知人哋拎過設計大獎！」

屈臣氏樽蓋被彈「香港史上最冇用發明」 原來設計理念超貼心！

原來屈臣氏這個極具標誌性的樽蓋，由本地著名設計師劉小康先生設計，首先考慮到用家的使用習慣，特意把水樽設計為葫蘆型，以便用家手握水瓶；同時加寬瓶蓋，令用家可以當做杯子使用，增加實用性，值得一提是這個設計獲得「瓶裝水世界」全球設計大獎，除此之外，更可以保護樽蓋以免受污染。

網民圍插樓主唔識貨 力數四大優點

為此不少網民為屈臣氏樽蓋平反，紛紛留言表示：「放狗唔記得帶水我一定會買呢枝，個蓋可以比佢哋用嚟當兜飲」、「防塵、衞生、易扭開仲可以當水杯用，完全係最佳樽蓋設計喎！」、「細個會倒落個蓋到扮古人飲酒」。

有家長網民亦指出其優點：「其實我覺得一般樽蓋有啲人特別係小朋友或者老人家會擰到手痛 呢個就唔會仲開得幾舒服幾方便，我都係第一次見人X呢個樽蓋，我覺得呢個發明幾好幾signature，客人都記得屈水係呢個樽蓋」。