工人姐姐因收養唐貓回家!僱主8個月回港知道後即解僱無情講
廣告
早前有名工人姐姐在街上執到一隻唐貓,於心不忍下便將牠帶回僱主的家照顧,後來僱主知道後即時解僱工人姐姐。工人姐姐唯有在社交媒體出帖尋找有心人領養貓貓,幸好最後貓貓能順利找到新主人!不過一眾網民就熱烈討論,即睇大家點講!
工人姐姐收養唐貓8個月
這個好心的工人姐姐有天在街上執到隻唐貓,便把牠帶回家照顧。不過由於僱主一直在外國工作,所以被蒙在鼓裡,直至8個月後返港回家才發現真相。
![工人姐姐 好心的工人姐姐8月前在街上執到隻唐貓,便把牠帶回家照顧。](https://imgs.sundaykiss.com/wp-content/uploads/2023/03/2023-03-12-1930pm-01_138015557664095f72a7cce.jpeg)
被僱主即時解僱工人姐姐決定回菲律賓
僱主不滿工人姐姐自把自為帶貓貓回家,便將她即時解僱,工人姐姐唯有委託貓義工尋找有心人領養貓貓。
![工人姐姐 工人姐姐被即時解僱。示意圖,非當事人,](https://imgs.sundaykiss.com/wp-content/uploads/2023/03/2023-03-12-1930pm-02_16999498286409608786b71.jpeg)
網民分兩派:工人姐姐自把自為VS僱主冇人情味
事件引來網民熱議,網民紛紛大讚工人姐姐有愛心,更表揚姐姐把貓貓照顧得很好,「貓貓好得意,可以睇到姐姐照顧得貓咪好好」、「工人姐姐照顧得貓貓好好咁,好靚仔」。對於姐姐被炒魷魚,網民都感到可惜,「好難得有姐姐咁有愛心又鍾意貓貓,咁都唔識珍惜」。不少人都表示有意聘請工人姐姐,「如果唔係已經請咗新工人我都想請佢」、「我想請個工人姐姐,我屋企有好多貓咪可以俾你照顧」。大家更祝福姐姐回到菲律賓後能一生平安、幸福快樂。
![工人姐姐 網民留言](https://imgs.sundaykiss.com/wp-content/uploads/2023/03/2023-03-12-1930pm-04_2112978215640961224f25e.jpeg)
網民:「 打工梗係要問咗老闆先啦!」
一部分網民狠批僱主為人涼薄,沒有人情味,「唔鐘意貓叫佢送走囉,又唔洗炒嘅」、「有必要立即解僱嗎?」。不過亦有網民為僱主平反,指的確是工人姐姐有錯在先,「工人的確無問準僱主才養」、「 打工梗係要問咗老闆先啦!」、「工人係唔應該未經僱主批准就帶隻貓返屋企,始終間屋又唔係佢嘅」。
![工人姐姐](https://imgs.sundaykiss.com/wp-content/uploads/2023/03/2023-03-12-1930pm-06_1737409900640961cc2e652-689x1024.jpeg)
網民更將矛頭指向工人姐姐,狠批她自作主張、自把自為,亦沒有僱重過僱主,「僱主唔鍾意貓唔代表涼薄,而家係個工人無尊重個僱主。」、「我帶隻貓回家都要同老公與阿仔商量,呢點係尊重」、「當咗『公司』係自己屋企?」
![工人姐姐 網民留言](https://imgs.sundaykiss.com/wp-content/uploads/2023/03/2023-03-12-1930pm-07_252320114640961ff59dc8-732x1024.jpeg)
資料來源:Facebook群組@唐貓也是寶^^ Domestic Cats Rule、Facebook群組@天下貓貓領養及義工討論區
原文刊於《新假期》
圖片來源:Facebook群組@唐貓也是寶^^ Domestic Cats Rule、TVB《愛回家之開心速遞》、Facebook群組@天下貓貓領養及義工討論區