工人與2歲仔關係太親密有問題？在職港媽見兒子5個舉動 妒忌到半夜出廳喊

在職媽媽自覺盡做媽媽本份

近日一名港媽於網上討論區以「我個2歲寶貝仔好痴（黐）姐姐」為題發文，指自己是一名在職媽媽，發現兒子兩歲起就突然很愛黏著工人姐姐，令她覺得很心酸。她解釋為了生計，她必須做在職媽媽，無有辦法下惟有請工人照顧兒子：「都知無辦法，針無兩頭利。」幸好平日不用加班，所以她每天也會盡量早點下班，回家陪兒子。因為兒子晚上六時半就要吃晚飯，她未能趕及回家餵他吃飯，但除此之外，洗澡、玩耍、講故事、哄睡覺、飯後散步，她都能跟老公做足。而且到了放假日子，她都會一家三口出街，不會帶工人姐姐。

兩歲仔與工人關係親密感心酸妒忌

這位媽媽指兒子原本與工人同房，他睡BB床，工人有自己一張床。每晚，她都會在大床哄兒子入睡，之後就會抱他回BB床睡，但他多數會喊醒，工人姐姐就會將他抱到自己床，兩個一起睡覺。初時她不能接受二人同睡，但老公指其實工人姐姐都很辛苦，而且即使強行將兒子抱回BB床，隔一段時間，他都會再喊。

最近，她每天都要求兒子陪自己睡，怎料他甚麼事都要找工人姐姐，例如想更換尿片、洗澡，甚至連傷心、感到害怕的時候都會凌晨扎醒找工人姐姐：「就算佢喺我張床瞓，半夜醒都要返去搵姐姐，有時一擘大眼就要搵佢，當我無到。」試過幾次凌晨時分，兒子喊住要工人姐姐哄他，她嘗試哄兒子：「姐姐瞓咗，放咗工！」但兒子不聽解釋，「喊到癲咗」，攬住公仔走出門口，去工人姐姐房門拍門，然後坐在地上，等候開門。

凌晨獨自出廳喊

她表示，兒子之前都未曾試過有這些舉動，老公勸她不要阻止兒子找工人姐姐，令她覺得不開心，認為是工人姐姐太縱容兒子，所以二人關係才會如此親密：「作為阿媽我真係好心酸好妒忌，我當然知道姐姐對佢好(係縱) 先會咁，咩都就晒佢，我哋做父母唔會縱容仔女，但真係唔可以咁睇得開。」她很委屈地自爆因為太妒忌工人姐姐，試過凌晨獨自在客廳流淚：「都唔知要忍幾耐，我試過半夜自己一個人喺廳度喊。」現在，她很後悔之前給工人姐姐與兒子同睡。

網民安慰小朋友大個會改黏父母

有網民建議媽媽抽多點時間照顧小朋友：「想同仔仔關係親密啲，最好半夜父母自己照顧番」、「最好餵食時間都改一改，至少有一餐係你餵，咁會好啲」、「晚上跟父母睡係好關鍵㗎， 當年我又係一放工就接手照顧， 沖涼食飯玩講故事跟著睡覺！孩子最黐我！」不過亦有網民安慰媽媽，指小朋友長大後就不會再黐工人：「我仔細個時姐姐去沖涼佢都拍住門喊晒，我理佢佢都唔要！不過我無咩唔開心，大咗佢哋識分了」、「呢個年齡係會咁，只係依戀一個主要照顧者，容不下多一個。大啲就唔會咁，忍耐吓。唔使妒忌，慢慢大大就會跟返父母」