小童搭巴士誠實認已滿4歲 嫲嫲極力否認仲咁樣做 網民狂鬧：道德淪亡

九巴車費糾紛 小朋友認已滿4歲

有網民在Facebook群組「粉嶺皇后山關注組」上分享事件，乘搭九巴78線巴士時，途經某個巴士站時有對嫲孫上車，此時車長就問小朋友幾多歲，於是毫不猶豫地回答說自己「已經4歲」；然而其嫲嫲馬上否認，聲稱孩子「過幾個月先夠（4歲）」。

而小童聽見嫲嫲的否認後，馬上堅持自己的說法並矯正嫲嫲，甚至提到「上星期已經食過生日蛋糕」作證明。

車長向嫲嫲講一句話

縱使嫲嫲仍然堅持孫仔未夠4歲，但車長選擇相信孩子，故提醒嫲嫲「4歲就要買票，提吓你姐，唔洗教小朋友講大話既」，結果嫲嫲無言以對，付了車費後就坐在車尾。隨後，網民表示二人坐低後，嫲嫲竟然「打手仔」教訓孫仔，斥責他「唔聽話」。

惹網民熱議：小朋友大個會不斷講大話

事情引起網民熱烈討論，不少網民除了對小童的誠實表示讚賞，亦大讚車長的那句說話「做得好」、「巴士車長好少查小朋友夠唔夠4歲，尤其有啲小朋友生得比較細粒；車長問得，即係小朋友都有啲高大」、「除咗四歲之外，其實佔用座位已經要俾錢」。

此外，大多網民都狠批嫲嫲的行為，「為老不尊教壞子孫」、「幾蚊都要呃」、「教壞孫仔！」、「誠實是很可貴的，何必教壞小朋友」、「有冇諗過父母都係同一做法，好多人價值觀己經唔同晒。道德已經無咗」、「咁樣做打手仔會令佢覺得講真話係錯，會比人打手仔，咁仆街喇，大個會不斷講大話…..」。

家長分享親身經歷：每次要出示出世紙

此外，有其他家長也分享親身經歷，「睇過一個真實故事, 有個母親及小朋友去玩機動遊戲, 話自己小朋友已11, 須要買飛, 售票員奇怪話: 如果你唔講, 我唔知你小朋友要買飛. 母親話: 如果我在小朋友面前講大話, 點教佢做人要誠實!!!」、「我個女兩歲半，已有六歲咁高，每次司機都堅持要我畀錢，跟住我唯有每次都出示出世紙。」、「我唔知文中小朋友係咪真係4歲，但我仔試過未夠3歲話自己5歲，好彩佢唔係高大，但果刻真係好尷尬」。