廖啟智兩子剖白做星二代困擾大 弟弟不幸癌逝 一句童言助爸爸走出傷痛

撰文：Clara | 資料、圖片來源：鄭丹瑞個人YouTube Channel《健康旦》、TVB節目《東張西望》

廖啟智做好爸爸角色恩威並施

廖啟智是一位經驗豐富的演員，演藝生涯40年共演了電影92部，劇集110部，舞台劇21齣，教學超過10年。兩子遺傳爸爸藝術天分，大仔文哲是位音樂人，會做DJ打碟；而二子文信也擅結他、鋼琴等樂器，如今在當紅YouTube Channel做幕前演出與幕後製作，有指兩兄弟曾到澳洲升學。

被問到對爸爸的看法，大仔指爸爸是一個對自己人生與工作好有要求的人，會訂立為自己一些規則，絕不觸犯，例如每天早上六時會起床跑步，維持身體健康:「係一個典型嘅完美主義者，會佢會全力去做佢想做嘅嘢。」鄭丹瑞非常認同，廖啟智一向是個非常認真的人。而二仔就指爸爸好敬業樂業的人，演戲時很認真，想做到最好，也很認真地做爸爸這個角色:「例如我哋以前起身好攰要返學，佢會唔忍心見到我哋咁攰，會車我哋返學，車出車入；知道我哋鍾意食咩，成日都買返嚟，食飯一齊畀食。對我哋付出好多愛心。我覺得佢做爸爸同演員一樣咁認真。」

大仔指爸爸不是很兇的爸爸，但覺得他也算是一個嚴父，因為他會清晰教他們甚麼是對、是錯，要求他們遵循其價值觀。二仔都認同爸爸很嚴肅，但都會給空間他們做自己想做的事，還會教授最理想的做法。即使他們有不同想法:「佢都會尊重我哋嘅決定，都會同我哋一齊行嘅感覺。」

大仔曾為星二代身分感到困擾

雖然廖啟智很盡力做好爸爸角色，不過大仔、二仔始終難掩星二代身份，會被標籤為「廖啟智嘅仔」。大仔指讀書時要認識新朋友，但對方已對自己有既有印象，第一句就說他是廖啟智的兒子，令他感到困擾：「係話題性嚟，(啲人會話）「喂我個friend係邊個個仔！」二仔話自己已經比較低調，不會隨便告訴其他人他爸爸是誰，但總是不知道為甚麼有人會知道他的身份，而且朋友介紹時都會特別提及，令他很介意：「自己本身都唔係特別鍾意用呢個方式介紹自己，想做返自己，想新朋友認識我時將專注喺我本身，而唔係我阿爸、我屋企人係邊個。」

雖然做星二代有困擾，但他們都不會投訴，大仔說：「其實一定有困擾，但好難抱怨，因為呢樣嘢係天生，與生俱來，無得抱怨，所以會接受。」二仔就話：「我自己又無咁負面，其實係好事，大家好欣賞我爸爸，自己都會開心。」

曾講一句童言令爸爸生前破涕為笑

廖啟智與陳敏兒於87年結婚，婚後育有三名兒子，可是細仔文諾於03年被確診患有血癌，三年後病逝，兩夫婦受極大打擊，曾為細仔開設紀念網頁，用了很多時間才能走出陰霾。大仔表示當時大概十幾歲，細仔就六、七歲左右，他們表示當時年紀還很小，知道這件事一定好震驚，但他們亦指其實弟弟患病後大多住醫院，兄弟見面時間相對較少，沒有目睹他醫病時最痛苦的時候。

廖啟智曾接受鄭旦瑞訪問，坦言以前為了照顧細仔，忽略了二仔、大仔。不過大仔、二仔從無介意，他們也很明白父母很大負擔：「我哋唔識咁多嘢，淨係知道佢要去醫院醫病，係好辛苦嘅一件事。自己喺屋企比較多，少咗父母陪伴都要時間適應。」二仔讚揚父母處理得好好，會用他們聽得明的語言講解弟弟身體狀況，到後期又會跟他們解釋弟弟去哪：「人面對死亡最驚係唔知去邊，因為我哋有信仰，佢會解釋細佬去咩地方，呢種對我哋嚟講都係一種安慰，容易去接受呢件事。」

細仔離世後，父母很傷心，二仔曾嘗試主動安慰爸爸、媽媽，幫他們在傷痛中走出來：「有次我哋四個係屋企，我爸突然間諗起（弟弟病逝）就好唔開心喺度喊，之後我就同佢講：『你喊乜咩？呢度最快見到佢應該係你啦！』當然係童言無忌，不過佢聽到後就破涕為笑，呢個都係確定我哋有個信仰，我哋第時會係天家再相遇，我估對佢嚟講都係個安慰。」大仔就話家人之間互相支持是相當重要，依靠信仰和關心，齊齊走出難關：「細佬走咗之後，我哋一家相處時間都多咗，關係都幾緊密，維繫大家嘅家庭，都對大家嚟講係一個幫助、紓緩。」