廟街打鬥|夜市MMA食肆多人亂戰 網民:呢啲先係廟街特色
上一頁:廟街夜市12.15舉行!夜繽紛一連5個月設32檔美食攤檔+必吃小吃
廟街打鬥|港人嘲廟街MMA更精彩:呢啲先係廟街特色
而廟街夜繽紛開始了數天後,更發生街頭MMA,有人拍片見到廟街一間食肆對出的帳篷用餐位置,有多名男女發生打鬥,扭作一團,期間有人跌在地上,餐具被掃到地上,情況混亂。而從片中可見,一名風褸男至少兩次出拳打人,而另一名女子後來將圍裙男拉走,期間有人伸手扯身穿圍裙男子的頭髮。而旁人除了拍片,更不停高呼「今次就真係夜繽紛」、「搵睇場啦,撩交打啊」。網民看到片段後,更留言指「呢啲先係廟街特色,成個廟街夜打,打架就係最精彩,咁快就MMA真係羞家」。
![廟街打鬥 廟街夜市 深圳](https://imgs.weekendhk.com/wp-content/uploads/2023/12/hsp8mffccwcm11zbwlkzycmzfjnap10qi0aoaotakai_28384382365812100e7f95-576x1024.jpeg)
廟街打鬥|晴天林變裝到廟街夜請打卡
而晴天林亦趁廟街夜市開張頭幾日到現場打卡,上載照片時稱「廟街夜繽紛點小得骨妹阿媛」,引得網民大笑。從圖片可見,他穿上一身小洋裝,在廟街路牌前大露飛毛腿,網民旋即留言指「你呢身打扮,少林功夫,加唱歌跳舞有得諗,廟街再夜繽紛啲」、「阿媛…你要小心啲咸濕阿伯」、「我真係驚有啲阿伯問價」。
![廟街打鬥 廟街夜市 深圳](https://imgs.weekendhk.com/wp-content/uploads/2023/12/411713670_915436949952774_293605012062728439_n_200107011165811580a4206-768x1024.jpeg)
廟街夜市被指「以為去咗深圳」 港人:連垃圾袋都係檔主自備
廟街夜市開始了數天,不少人都專程去行一圈,首日開始時廟街夜市迫得人頭湧湧,更有牛雜檔表示未到8時便已售罄收檔,人流暢旺超出預期;而售賣串燒的檔主亦曾向傳媒表示做到無停手,錢都數唔切。而同一時間,網上對於廟街夜市的討論亦相當熱鬧,事關有人表示「呢度係香港廟街,唔講仲以為深圳廟街,啲檔主要自備垃圾袋,大會窮不提供」。
![廟街打鬥 廟街夜市 深圳 香港廟街](https://imgs.weekendhk.com/wp-content/uploads/2023/12/-2023-12-19-12.08.37_80700602658117bc86fe9.png)
從圖片可見,除了掛上一排排燈籠外,一個個小檔排在路旁,有燒烤、牛雜等小食賣,有網民指「廟街夜市好成功,起碼今次無斷電!好吸引!等派消費券去消費」、「香港真係諗住用呢32檔位,就會搞好香港經濟?」、「爭娜娜提升現場氣氛」、「睇到陣深圳味好濃」、「食飽可以去隔離玩,幾開心」、「係咪大陸嘅東北燒烤」、「見到都覺得好娘,好有深圳Feel」、「幾時用埋人仔買嘢」、「以前又話要打擊小販,而家又話要用返小販刺激經濟」、「啲檔口一啲香港特色都無」。
![廟街打鬥 廟街夜市 深圳 深圳東門](https://imgs.weekendhk.com/wp-content/uploads/2023/12/192122_d81144c3b35f9b488a0872902ec8e328_16267628116581180f460e7-1024x768.jpeg)
廟街打鬥|網民:深圳仲先進過佢喎
不過,亦有網民指「深圳邊有佢咁肉酸,唔好抵毀深圳喎,華強夜市都好過呢度」、「講真,大陸有啲夜市檔口仲先進個呢個廟街,人哋大約有10呎X10呎,100呎實用空間,有水有電裝空調及抽氣,可移動的包廂,齊整衛生⋯⋯」、「呢度而家反而似好耐以前嘅深水埗,就係似咁,規模圍繞黃金一帶」、「深圳靚好多,最多話佢似台灣」、「同深圳真係無得比,衰過人哋10年前,人哋又有位坐,個檔口設計又新穎」。
![廟街打鬥 廟街夜市 深圳 深圳夜市](https://imgs.weekendhk.com/wp-content/uploads/2023/12/whatsapp-image-2023-12-19-at-12.05.54_891060125658116b08ce8b-573x1024.jpeg)