張繼聰謝安琪 家庭是人生的轉捩點
廣告
結婚10年， 張繼聰謝安琪 高調放閃（詳文：結婚10年 張繼聰 公開向謝安琪示愛晒幸福），結咗婚咁耐都仲咁恩愛，到底有咩愛情保鮮秘技呢？2008年「叱咤樂壇流行榜頒獎禮」，張繼聰奪得叱吒樂壇作曲人大獎，他在台上講的說話，令台下的Kay感動落淚：「就算時光倒流幾多次，我都會娶你做老婆。我愛你。」9年後，張繼聰同謝安琪依然相愛，就算再過多幾多個10年，都要記住你當日呢個承諾啊！
謝安琪在2006年11月突然公開宣佈已經懷孕3個月，2007年初就與張繼聰結婚。謝安琪比張繼聰大3歲，當時在娛樂事業工作上女方正當紅，地位懸殊，所以外界對於他倆並不看好，甚至出現很多非常難聽針對張繼聰的說話，如「廢柴老公」、「謝生」等。不過時至今日，張繼聰在演藝圈開始有成績，兩人仍然非常恩愛，與兒子張瞻一家三口，不時在網上放閃。就證明了當遇到對的人，都知道彼此有共同方向，縱多難關都一定能跨過，張繼聰和謝安琪就是最好的例子。
謝安琪和張繼聰都是就讀大埔恩主教書院，讀書時，謝安琪已經非常仰慕籃球同足球都好叻的風頭躉張繼聰。直至05年雙雙加入樂壇後，彼此見面同相處機會愈來愈多，張繼聰更主動出擊，問謝安琪得電話後，便約她看電影。張繼聰接受訪問時笑說，當時看的第一套電影便是「藉著雨點說愛你」！
張繼聰曾經因為「廢柴老公」、「謝生」等形容而自尊受挫，更想過尋死。不過張繼聰後來憑自己的努力，成功憑著《老表》、《食為奴》的精彩演出而大獲好評！其實，凡事都不能只看表面，如果以 為從外在看來就可以下定論的話，就未免太膚淺。其中的相處，雙方各自為對方付出有多少，不用向外人說明，自己知道就好了。
上年9月，張繼聰終於公佈謝安琪陀女三個月。佢寫到：「成日俾人問到口啞啞，終於可以好正面咁宣佈一件好正面嘅事！我又做爸爸啦
😘
阿聰唔止錫老婆，佢仲好乖仔！每年生日都會同媽咪一齊過，仲會好感激媽咪將佢帶嚟呢個世界！生日識得多謝媽咪，又孝順又愛妻，呢啲男人邊度搵啊？
