張繼聰客廳玩「騎馬」豪宅逐格睇 網民睇到O晒嘴！
張繼聰愛女KakaBall客廳玩「騎馬」曝光豪宅內部
張繼聰與謝安琪兩公婆經常於社交平台大曬日常生活照，時不時都能夠在照片中看到一家四口現居的四千呎比華利山獨立屋豪宅內部。昨日（18日）就在社交平台上傳一段與女兒在客廳玩「騎馬」的短片，從片中可見，張繼聰與愛女輪流騎「獨角獸」玩具，喺客廳騎嚟騎去，連女子組合Super Girl成員蔡思明都留言驚歎：「到底一間屋要有幾大，先可以容許有一隻馬仔喺度行嚟行去？」
張繼聰與謝安琪 四千呎獨立屋豪宅多次曝光
張繼聰與謝安琪兩公婆在疫情期間如同大多星爸星媽一樣，難得可以放下工作重拾家庭樂和親子時光，個人社交帳戶不停分享夫妻點滴同子女溫馨玩樂外，4,000呎超級豪宅內籠亦都逐格曝光。
謝安琪玩煮飯仔 露天空間一覽無為
謝安琪與今年5歲的女兒張靖合力整蛋糕， 成功焗製成蛋糕，但打忌廉卻失敗，最後只能望住蛋糕下塌不能成型。難得謝安琪母女一同拍片，不過網民焦點落在謝安琪的白色廚房，謝安琪向來喜愛米白色，經常將自己及一對仔女都穿上米白色，投資的時裝品牌都是以米白色為主，謝安琪對米白色的熱愛程度，由衣著去到全家的裝修及布置﹗巨型廚房內有一張超長料理枱，後面放滿不同廚具，全都是白色，在最旁邊更有白色小型梳化及椅子，網民指以為謝安琪母女身處在咖啡店﹗
謝安琪挑戰蛋糕失敗，負責拍片張繼聰跟母女三人合力把蛋糕吃掉，三人在露天邊晒太陽邊食蛋糕，好寫意，難怪網民笑指她們去了咖啡店﹗從謝安琪和張繼聰分享的生活照中，令其4千呎獨立屋曝光，經女主人謝安琪的悉心打造，都是以米白色為主調，屋企每一角落都成為打卡點﹗
村屋搬豪宅夠勵志 四千呎獨立屋內籠曝光
又唔係出身巨富含住金鎖匙出世，唔少藝人都曾經捱過窮過默默無聞從低爬起，正如模範夫妻張繼聰同謝安琪（Kay）兩公婆當年奉子成婚，當中辛酸真係有苦自己知。
曾貪平住村屋
當年陀住第一胎嘅謝安琪（Kay）都試過貪平住村屋，而張繼聰亦試過被譏知名度及搵錢能力不如老婆，不過隨著謝安琪喺樂壇逐步攀上最受歡迎女歌手位置，張繼聰能唱能演慢慢成為多棲藝人大受廣告商歡迎，兩公婆身價暴升，終於喺逆市低價以1,200萬由大埔村屋搬入比華利山獨立洋房居住，呢個往上爬嘅愛情故事，唔止浪漫仲好勵志！
曾貪平住村屋
當年陀住第一胎嘅謝安琪（Kay）都試過貪平住村屋，而張繼聰亦試過被譏知名度及搵錢能力不如老婆，不過隨著謝安琪喺樂壇逐步攀上最受歡迎女歌手位置，張繼聰能唱能演慢慢成為多棲藝人大受廣告商歡迎，兩公婆身價暴升，終於喺逆市低價以1,200萬由大埔村屋搬入比華利山獨立洋房居住，呢個往上爬嘅愛情故事，唔止浪漫仲好勵志！
