張致恆大呻「頂唔順」求網民捐錢 今解釋不能工作、還唔到錢原因
廣告
現年39歲張致恆（Steven）及太太雯雯婚後育有四名兒子，家庭壓力甚大。上星期，雯雯透露其中一名兒子不幸證實患有自閉症和過度活躍症，令她感到前所未有的壓力。前日（2日），老公Steven竟在社交網上載一個QR Code要求網民「捐款」 ，因而引起社會關注。昨晚（3日），Steven在網上解釋為何不能工作的原因，再透露無法還錢的「真相」⋯⋯
張致恆承認1件事唔夠成熟
他發文坦承在生小朋友前沒有經過足夠的深思熟慮，並解釋了目前無法工作的原因。他表示：
「多謝大家關心，其實我已經有兩份工作不用再介紹我工作。如果我冇錢係因為我唔去做嘢，俾大家鬧我冇所謂，但我而家因為冇人照顧小朋友，所以我出唔到個門口，事實上一個大人照顧唔到四個咁細嘅小朋友，仲要有一個係需要特別照顧。呢個係我哋生之前唔夠成熟，冇安排好。」
張致恆唔想還錢有原因：依家長期都係負
雖然目前打兩份工，但家庭經濟狀況仍處於不佳，Steven表示會一步一步改善現狀。他承諾一旦家庭情況穩定下來，他會逐一還清所有欠下的債務。他感謝那些真心幫助過他們的人，並希望他們能夠體諒自己目前的困難。「多謝真心幫助過我哋嘅人，到我們安頓好，我一定會逐一去還錢畀你哋，我依家呀唔係唔想還錢，而係根本依家長期都係負，多謝真心幫我哋嘅人體諒我哋。」
張致恆疑似財困上傳收款QR Code求網民「捐錢」
前日（3月2日），Steven在社交媒體上發佈了一個收款QR Code，並以絕望的語氣求助：「我知道呢個唔係一個明智嘅決定，但係我真係已經去到頂唔順嘅地步，過埋呢個月所有嘢都可以回復正常，所以真係求求大家幫吓手。」
事後，他這個舉動引來不少網民鬧爆：「有手有腳唔做嘢、成日話走投無路」、「姓張個嗰兩公婆簡直不知所謂」、「阿康介紹佢入行啦」、「其實佢無拎綜援咩？」
圖片來源：IG@stevencheung資料或影片來源：原文刊於東方新地
