雯雯轟張致恒令全家被CUT電 網民憑1點推斷「將宣布有第五胎」

張致恒頹爆盼仔仔唔好學自己

張致恒早前在社交平台上分享數張新相，原來是為長子張天寶慶祝5歲生日。他除了曬出與雯雯一齊帶4個仔仔出去食飯慶祝的照片外，還感性配文寄語仔仔：「千祈唔好好似daddy咁失敗，所有嘢都一事無成！」即獲網民留言鼓勵這名四子之父：「你開始生性都唔遲呀」、「加油吖唔好比人睇死」、「你快40歲啦！要大個仔架啦！」

「張天寶五歲生日快樂，轉眼間就已經五歲了，日子過得好快，想當日仲趴喺我心口度瞓覺我喺度打機，而家百厭調皮直情係一隻馬騮，我冇咩嘢寄望，只係寄望你快高長大～健康成長～努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！

超級愛你的daddy上！」

雯雯爆seed怒轟張致恒搞到全家被cut電

看到張致恒和雯雯帶仔仔外出食飯慶祝生日，外界都以為他們一家人的生活條件正逐漸改善，誰知雯雯今天突然在社交平台怒轟張致恒搞到屋企被截斷電源：「你終於都令到屋企發生俾人cut電」，更表示：「已經唔係容忍嘅範圍之內！」令不少網民十分擔憂4個小朋友們現時的情況!

要發生嘅，終於都發生。你終於都令到屋企發生俾人cut電，完全已經唔係容忍嘅範圍之內。小朋友又冇得煮嘢食，又冇熱水沖奶不停喊，請問你想我點？

網民憑一線索推測「將宣布有第五個」

對此，有網民建議雯雯「點住臘臅先」，不過很多人對「cut電」存有質疑，紛紛表示「Po到野即係仲有電」、「唔係丫，手機仲有電喎，等手機都冇電再出Po啦」，也有人勸喻夫婦二人「少說話多做事啦，抱怨冇用，不如諗下解決當下問題嘅辦法仲好」。除此之外，另有心水清網民發現每當他們大吵架後，大多時候都會有新生命將誕生，故這次雯雯公開與張致恆對罵，被部分人覺得是「懷孕徵兆」，紛紛表示「明天宣布有第五個」、「第五個就快出來了」。