張頴康麥雅緻囝囝曝光 趙碩之：小豆呷醋唔肯影相
廣告
麥雅緻（Angie）日前誕下囝囝小花生，趙碩之尋日就去咗探BB，仲喺社交網站上載小花生嘅相，仲大爆家姐小豆呷醋唔肯影相啊！𠵱？大家覺唔覺得小花生好似家姐小豆啊？
撰文：Sunday Kiss
相片：趙碩之IG、新傳媒資料室
張頴康麥雅緻囝囝曝光
趙碩之（Wylie）上載咗兩張相片，相中可見麥雅緻好精神，Wylie留言話：「恭喜晒張家！超級媽媽！ 好叻叻！」仲hashtag大爆料升呢做家姐嘅小豆呷醋唔肯入鏡影相！
另一張相就清楚見到小花生正面，大家覺唔覺得BB好似小豆啊？
張頴康請定一個月假陪老婆
阿康已請假一個月陪家人，除了幫手湊 B 之外，更重要穩定老婆的情緒，是名副其實的廿四孝老公。問到兩人的恩愛之道，阿康解釋或與兩人「相依為命」有關，他自小缺乏家人愛錫，Angie 的家人亦長居外地，早已認定對方為家人。「 我哋咁啱都鍾意家庭生活，所以我哋凝聚力好強。其實父母生一個小朋友已經好辛苦，生多個係自己玩自己，咁辛苦嘅嘢都要做多次，係因為小朋友畀到你嘅快樂，無其他人可以畀到你。」
擔心小豆會呷醋
問到小豆得知將有弟弟，心情如何?小豆興奮說：「佢鍾意車，可以一齊玩!我哋仲會玩公仔、煮飯仔，好好玩㗎！」阿康和Angie見到小豆樂於 接受弟弟，也鬆了一口氣，他們異口同聲道:「起初擔心過小豆會呷醋，因為佢慣咗得 到我哋獨一無二嘅愛，所以一有咗就話畀佢知，初期佢都擔心爸爸媽媽會唔理 佢，我哋就由故事書入手，好似講做姐姐嘅責任同權利，有咩佢可以做，BB 唔可以做，慢慢佢開始接受。」經過大半年的孕期後，小豆愛上了「姐姐」 這個稱呼，覺得做姐姐是一件特別任務，多了一份責任感。
下一頁：思考型爸爸森美 從旁觀角度看子女
