情人節禮物 王浩信 送過車俾老婆!

撰文：Fiona Fong

Vincent話今年想俾啲Surprise俾老婆Yoyo，所以會揀啲過往七年未送過嘅嘢俾太太，至於係咩？佢就梗係保持神秘啦！問到過往送過啲咩 情人節禮物 俾太太，Vincent笑笑口話送過啲日常用品，例如銀包、頸鍊等，甚至連車都送過！提到車都送過時，Vincent即話：「其實佢唔係一個好介意價錢嘅女仔，送車俾佢純粹係覺得佢有需要，要車囡囡去唔同地方，所以今次都希望送啲窩心啲，佢收到會好開心嘅嘢。」

至於送法，其實都好有心思㗎！如果係放得喺屋企嘅嘢，Vincent就話：「我會先叫佢入間睡房，先搵到第一個禮物，之後就要再根據第一個禮物的提示，去搵第二個禮物，但呢兩份禮物可能都係報紙，或者係擦膠等，等佢失落咗一夜覺得自己無心思時，先送一份真正嘅禮物俾佢！」

其實唔止情人節，Vincent平時同太太都相當甜蜜，早前更跟各方好友一起慶祝和太太結婚4周年。而且每年對方生日，都會一齊慶祝！

前年YoYo生日，Vincent更鬼馬地張貼2人的合照上微博，祝福道：「生日快樂，你又小一歲了！」

自 從囡囡出世後，Vincent更變成Family man，把拍劇以外的時間留給家庭。他笑說囡囡好聰明，「依家啲小朋友真係好聰明，佢同我年代嘅小朋友好唔同，佢開始識氹我笑，成日照顧我，搭住我膊頭 話：『今晚睇你啲戲啦！』又會成日同啲同學仔講：『今晚有我爸B啲戲啊！』幫我做宣傳，好得意啊！」

QQ 2歲生日時，Vincent更張貼了幾張父母照，寫道Happy birthday my love! 而上年Vincent生日，曾表示收到囡囡的自製生日卡最sweet！

問Vincent係咪惡爸時，Vincent就話自己唔係，「可能對住個仔我會，但對住個女唔得，惡唔到幾多，搞唔掂！」

Vincent同YoYo都鍾意打羽毛球，閒時會互相切磋，有時更會帶埋囡囡QQ一齊玩，佢哋嘅家庭活動真係好健康！

Vincent帶埋囡囡一齊打波，話睇下佢鍾唔鍾意啊！

Vincent 話想追個仔，湊個好字，他笑說：「不過湊仔很辛苦，但老婆品種優良，我會好好把握。」佢仲話鍾意多啲人喺屋企，有一個小朋友就要有時間教育佢，陪伴佢，呢 樣嘢同我工作有衝突，所以都要好好計劃。YoYo就希望小朋友之間年齡不要相隔太遠，不過生仔生女就要睇緣份啦。