51歲的 郭富城 （城城）傳結婚傳咗好耐，一直都只聞樓梯聲！今日就有媒體報道城城同29歲女友方媛（Moka）早已於本月4日喺香港秘密入紙註冊，計埋手續，最快6月初就拉埋天窗啦！
其實 郭富城 之前都話過好想組織家庭，又想生小朋友，加上媽咪年紀大，想佢睇住自己成家立室！
早在去年12月，我哋都影到城城陪Moka到養和睇醫生，如果係真，咁就雙喜臨門啦！恭喜恭喜！
早前，Moka上載咗幾張相，其中一張喺Salon剪頭髪！唔通剪定頭髮做靚靚新娘？
自2015年12月公開戀情後，Moka同城城愛得高調，又不時在微博晒恩愛，再一次恭喜Moka同城城！
